蘭度小籠包 (已結業)

嫩鸡烩面：汤底调味岩岩好，鸡肉同菜既份量都好多，鸡肉质地几好，个面底系好味既，不过略嫌淋左少少，爽口番少少就perfect！招牌小笼包：食得上海餐，必点既当然系小笼包啦。兰度既小笼包绝对对得住上海菜既招牌；肉汁香浓，面皮厚簿适中，入面既猪肉都非常好味，值得推介。小笼包迷不可错过！红烧狮子头：听就听得多，但食都系第一次！狮子头表面有少少焦脆，入面既肉又非常香软，内软外脱，配上香香甜甜既红烧汁，一人一旧真系岩岩够喉！赞～鸡丝粉皮：正常发挥，欣赏依间餐厅俾既份量都好足，面头鸡丝满满，配芝麻酱真系正！豆浆：豆浆同小笼包一样，都系每次食上海餐必点，依间豆浆不会太甜，亦饮到少少豆香味，算系唔错啦！店员有礼又好客，期望下次去到湾仔会再光临。