瘋鳥 (已結業)

今晚约左个旧同事提早食佢餐生日饭，我提议黎呢间疯鸟食。餐牌选择唔算多，我地最后叫左美式BBQ猪仔骨、三重芝士炸虾Pizza、蜂蜜蛋糕、特浓朱古力麻糬窝夫(配雪糕)。美式BBQ猪仔骨个酱汁唔错，唔会死咸。猪仔骨够软淋，配埋薯条同沙律，正。三重芝士炸虾Pizza有惊喜，浓浓既芝士但唔会腻，炸虾大大只，同pizza都几夹。Pizza底唔系薄到冇食过野甘个种，系有啲厚度，甘先有咬口，我钟意。蜂蜜蛋糕好多层次，口感软绵绵，仲加左啲果仁，充满浓浓既蜂蜜味，所以偏甜。特浓朱古力麻糬窝夫配朱古力味雪糕，卖相吸引，窝夫加左麻糬变得烟烟韧韧，甜度亦岩岩好，好食。