Infinity Workshop Cafe (已結業)

试左呢间楼上Cafe，6点上到去，由于空间比较细，枱好少，之后Booking好full，所以8点就要交枱。黑松露炒鲜带子虎虾意炒味道及卖相都唔错，一啲都唔hea，好大只虎虾，亦唔似普通雪藏带子，整碟意粉都好味黑松露味。香煎鸭肝西班牙火腿贝果 配手摇薯条呢道菜好多网上食评都系5粒星，当然要试下。好少食以Bagel配肉既组合(多数都系Burger)，原来可以咁好食，Bagel烟靭有咬口，鸭肝有d油，所以配合火腿食就冇咁漏，好好味，薯条亦都好多，不过Bagel想同朋友分享比较难切开。整体食物味道不错，但等上餐都需要一段时间，女服务员很细心，原先叫多款小食，幸得佢提醒有机会食唔哂，令到冇浪费食物。