影片
更多
2020-07-26
3488 浏览
之前我同男友都食过金钟 JW Marriott coffee shop 同澳门 JW, 觉得熟食好正，今次 k look有优惠，呢间又平 d ,我地就试下喇~食物就系晒呢到，甜品系楼下以呢个价钱黎讲，自己都觉得算几多选择！寿司部唔算多款式，鱼生都系d基本款式，但寿司饭非非常咁高质！餐厅特意注明系黎自边个产县既日本米！本人好钟意米饭，次次出街食野都会食饭类，无米气个人会罗罗挛。呢到d饭粒香软，仲充满水份，好似食高级日本餐厅鱼生井既饭底咁，非常好味！天妇罗只虾无咁厚身，都岩既，太厚炸唔熟，大约手指咁粗，全部系虾肉，唔系用厚粉桨滥竽充数。汁料可以自己加卜白蓉，姜末同天妇罗汁，真系好夹，唔系间间餐厅都会有姜末加落去，但呢个小小既材料，会提起成日食材既味！我觉得呢到既日式野做得几好，佢唔系好多款式或者用贵价食材。佢系用d好基本既野，但配塔好细心，加埋有质素既食材，好似日式家常料理，但已经好好食！跟住就要讲下呢款鲜虾水饺！可自选鸡汤，猪骨同蕃茄鱼汤，即点即煮！我 encore左全部汤底，最推蕃茄鱼汤！有睇过我食评都知，我点样分辨佢系咪真材实料呢？蛋白质遇热会凝结，如果材料新鲜，营养丰富，热汤冻左，
食物就系晒呢到，甜品系楼下
以呢个价钱黎讲，自己都觉得算几多选择！
寿司部唔算多款式，鱼生都系d基本款式，但寿司饭非非常咁高质！餐厅特意注明系黎自边个产县既日本米！本人好钟意米饭，次次出街食野都会食饭类，无米气个人会罗罗挛。呢到d饭粒香软，仲充满水份，好似食高级日本餐厅鱼生井既饭底咁，非常好味！
天妇罗只虾无咁厚身，都岩既，太厚炸唔熟，大约手指咁粗，全部系虾肉，唔系用厚粉桨滥竽充数。汁料可以自己加卜白蓉，姜末同天妇罗汁，真系好夹，唔系间间餐厅都会有姜末加落去，但呢个小小既材料，会提起成日食材既味！
我觉得呢到既日式野做得几好，佢唔系好多款式或者用贵价食材。佢系用d好基本既野，但配塔好细心，加埋有质素既食材，好似日式家常料理，但已经好好食！
跟住就要讲下呢款鲜虾水饺！可自选鸡汤，猪骨同蕃茄鱼汤，即点即煮！
我 encore左全部汤底，最推蕃茄鱼汤！有睇过我食评都知，我点样分辨佢系咪真材实料呢？蛋白质遇热会凝结，如果材料新鲜，营养丰富，热汤冻左，自然会有质蛋白依系面啦！今次我见到喇，唔系次次出街食饭都会见到佢嫁！
只水饺都好充料，食左咁多只，只只都充满虾肉，仲要大大粒又厚身，调味得宜，无雪味，爽滑弹牙！只虾真系厚到好夸张，食左好好好多碗！
蚬肉味噌汤， d蚬唔洗话好大只，以做汤黎讲，够鲜就足够，汤有蚬味，够晒甜！想食蚬肉既开始时要去拎喇，食到中段已经会比人拎晒，只余下汤。
甜品部被餐厅放弃了，见之前食评已有提及，不再多谈。
最后，我同男友见到呢个饮品部，心花怒放，因为男友最钟意饮冻野，d饮品放晒系 d冰到好似好正咁，于是我地一人一枝拎埋位。到坐低时，有个层员急急脚走过黎拎番，佢话要按枝收费！！ Fine~ 有咁多野食，我地觉得加钱再买就无谓喇！讲真，个感觉真系麻麻，我地饮得你几多枝？！个位系上去拎野食既必经入口，可以想像如果有小朋友见到实会想饮，结果又要父母洗埋d无谓钱，可能会有少少扫兴。
总括，我觉得食物对得住价钱，但负责卖单既男友就碎碎念，话款式少又无质素，话宁愿比多d 钱，要食番 marriott coffee shop㖞🤷🏻♀️
张贴
