Doppio Caffé (已結業)

疫情之下餐餐食煮家饭，煮到唔知煮乜好，所以决定偷懒出街食lunch。今次呢间餐厅其实留意左好耐，全因为其自然系既装修风格，令佢同屋村内既其他餐厅形成对比，比人一种舒适同写意感。Lunch set 有超过20款饭/意粉/汤粉等供选择，而全部都包餐饮同餐汤或沙律，而餐饮亦唔马虎，我就拣左冻芦荟水蜜桃红茶同冻蜂蜜柠檬芦荟，前者有香浓水蜜桃味，不过略甜；后者柠檬味有点奇怪，友人表示难接受。餐汤入口唔会有粒粒感，质感较水较稀，不过略咸；沙律正常。芝士焗葡汁鸡扒饭 $68焗饭岩岩焗出黎，非常非常热!! 食到最后，d芝士依然可以拉到丝，就知佢有几热!葡汁味道一般，椰汁同咖哩味都唔会太特出；鸡扒肉质算嫩，配炒饭底。自家制蕃茄吉列猪扒饭(辣) $62呢个蕃茄汁好好味，酸甜适中，带少少辣，蕃酱味浓郁，如果店家可以淋多少少汁就更好。吉列猪扒最令人失望，外层炸粉仲厚过块猪扒，第一次食咁薄身既猪扒....整体用餐体验唔差，职员有笑容、有礼貎，餐厅环境唔错，食物卖相好靓，味道不过不失，但吉列猪扒有点伏。