茶木‧台式休閒餐廳 (iSQUARE國際廣場)

营业中

休息中

约左好耐冇见既好朋友食饭个饭聚下，大家不约而同好想食台湾菜，见茶木唔使等位就即刻入座，争取时间同倾计畅所欲言。朋友点左限定餐牌白汁酸忌廉猪扒菇菌藜麦饭，而我就点咗茶木既招牌菜炸鸡扒肉燥饭。炸鸡扒肉燥饭贯彻一向好大碟既份量size，炸鸡扒香酥脆口，保留肉汁juicy同鸡肉嫩滑，鸡件都好大嚿。肉燥酱香浓配白饭食，完全相当配合，好惹味。台式肉燥饭当然亦离不开配菜有溏心蛋，酸菜同青瓜。整体味道都唔错呀！食完正餐，唔够喉，要继续吹水，紧系要甜品时间啦！台式甜品一定要叫我至爱既芋圆，黑糖芒果芋圆仙草豆腐同珍珠芋圆红豆汤。两款甜品都不过不失，唔会太甜到漏。