源記餐廳

营业中

休息中

开完会，惊觉午饭时间已过，一行几人，在客人公司楼下食个tea；见到呢间源记好似几企理，一致通过食呢间。。。哗、哗、哗，下午茶都咁多选择，即刻知道冇入错！各人叫了唔同嘅食品，各适其式！呢只鸡翼真系好食到不得了，因为去咗骨酿入蘑菇芝士再去炸，食落有香浓芝士同蘑菇的香味，另外值得一赞嘅就系薯格炸得外脆内软，而且份量很多，绝对没有因为系下午茶而将货就价👍黑白金砖西多士食落很有蛋香，中间搽上我至爱的花生酱，完成后喺西多士上淋炼奶同朱古力酱，不太甜好味👍烧味也是源记主打，因为他们自设工场，所有烧味都是自家制，每日新鲜出炉卖完即止，烧腩仔叉烧汤米，腩仔皮脆肥瘦均匀，虽然我忘记叫肥叉，但原来佢地出品嘅叉烧绝对唔会太嚡口同硬实，软得来仲有肉汁，果然系源记撚手小菜之一👍净云吞墨丸～墨丸弹牙鲜甜，云吞鲜虾爽口加入猪肉有少许𡁻口,正👍牛杂河～炆得够入味，一上枱已急不及待呷上两口汤，浓香的汤头十分鲜甜，饮完整碗汤也不觉得口渴，好味极了😋餐厅除了食物之外服务态度也是值得称赞，有耐性、好笑容、而且仲好有礼貌👍