影片
更多
2021-01-06
2124 浏览
🇭🇰湾仔区 - 全港首家达克瓦兹专门店💎推荐分数: 9.5/10———————————————————今次介绍嘅系一间可以食到香港好少见既甜品 - 法式甜品既达克瓦兹。达克瓦兹系一种起源17世纪法国宫廷嘅经典点心，因为起源于法国西南部嘅温泉乡达兹，所以得此名，虽然系法国起源但现今好多地方，好似日本，都系一种热门嘅甜品。而点解会有人谂住将达克瓦兹带入香港？店主本身系非常热爱制作甜点同旅行，系世界各地寻找试食唔同既甜点，更因为对甜点既热爱飞去日本东京进修，罗到法国蓝带甜点文凭、韩国KCD表花证书，去世界各地取经，了解到各种食材既特性，变化出多层次既甜点，本住分享幸福既味蕾给大家既宗旨。而系一次既旅行中，初尝到达克瓦兹既滋味，发现香港居然无呢种甜点，所以由网店起家，慢慢比大家认识达克瓦兹，结果吸引到一班香港寻找达克瓦兹既知音，试过后好评如潮，之后店主决定令呢个味道分享比更多人，令达克瓦兹实体化，创立左香港首家达克瓦兹既专卖店。而除左可以试到达克瓦兹，仲有同为罕见既可丽露、玛德莲、布列塔尼、小蛋糕、费南雪，呢家已经成为节日甜点热门选择同埋热门散水饼。-订购/walkin店铺既甜品可以系官网订购
💎推荐分数: 9.5/10
———————————————————
今次介绍嘅系一间可以食到香港好少见既甜品 - 法式甜品既达克瓦兹。
达克瓦兹系一种起源17世纪法国宫廷嘅经典点心，因为起源于法国西南部嘅温泉乡达兹，所以得此名，虽然系法国起源但现今好多地方，好似日本，都系一种热门嘅甜品。
而点解会有人谂住将达克瓦兹带入香港？
店主本身系非常热爱制作甜点同旅行，系世界各地寻找试食唔同既甜点，更因为对甜点既热爱飞去日本东京进修，罗到法国蓝带甜点文凭、韩国KCD表花证书，去世界各地取经，了解到各种食材既特性，变化出多层次既甜点，本住分享幸福既味蕾给大家既宗旨。而系一次既旅行中，初尝到达克瓦兹既滋味，发现香港居然无呢种甜点，所以由网店起家，慢慢比大家认识达克瓦兹，结果吸引到一班香港寻找达克瓦兹既知音，试过后好评如潮，之后店主决定令呢个味道分享比更多人，令达克瓦兹实体化，创立左香港首家达克瓦兹既专卖店。
而除左可以试到达克瓦兹，仲有同为罕见既可丽露、玛德莲、布列塔尼、小蛋糕、费南雪，呢家已经成为节日甜点热门选择同埋热门散水饼。
-
订购/walkin
店铺既甜品可以系官网订购或者WALKIN买都得，网站只接受三天前预订，
但我试过上网订购拣唔到日字时间，可能要whatapps询问详情，所以我习惯WALKIN买。
网上订既好处系可以订到套装，例如会有彩虹迷你达克瓦兹套装、以前出过期间限定既Halloween Box Set、达瓦兹中秋礼盒等等。
WALKIN买好处就系可以散件买自己想试既味道，系平日基本上好多都有现货，但临近收铺时间会soldout某D口味，而且系有节日既时期达克瓦兹会好抢手好易soldout。
我试过无节日既星期六大概5点去，10款达克瓦兹soldout左4款，但热门既茶类达克瓦兹仲有，反而可丽露等其他甜品soldout情况多D; 有次系节日既星期日3点去，达克瓦兹全部卖哂，但反而有好多可丽露、费南雪、小蛋糕、布列塔尼经典等法式甜点可以买，所以稳阵D可以早D walkin买。
因为无防腐剂所以未食之前要放冰格亦唔可以摆太耐，外卖会有干冰大概可以用一个钟。
-
1️⃣ 抹茶麻糬达克瓦兹 💰38（👅: 9.5/10）
抹茶麻糬达克瓦兹
$35
54 浏览
2 赞好
0 留言
店舖建议退冰时间20分钟，可以确保糯米糍回软。
一咬落去系外脆内软，达克瓦兹既外层非常酥脆松化，脆到啲饼碎会散哂出黎，可以做到咁酥脆系因为烘烤前会系表面撒糖粉，利用高温形成美丽既颗粒状脆皮，而店铺特别用左好多杏仁粉，所以蛋白饼壳会感受到非常浓厚既香味。
内层既抺茶内馅柔软，抹茶系用小山园既青岚，闻到好香嘅抹茶味，抹茶味重但唔会过甜，回甘幽香。而糯米糍麻糬令呢个内馅加上烟韧、Q弹既口感，无论系味道同口感都好丰富同有层次，钟意抹茶嘅抹茶控一定会钟意食。
个人觉得系其中一个最好食既口味。
-
2️⃣ 玛黑蓝伯爵达克瓦兹 💰35（👅: 9.5/10）
玛黑蓝伯爵达克瓦兹
$35
67 浏览
2 赞好
0 留言
达克瓦兹质感基本同抹茶一样，但味道反而比抹茶更有心思，系达克瓦兹烘烤时加左伯爵茶叶，茶叶既香味同味道渗入达克瓦兹既外层。
平时伯爵茶当然唔会甜，作为甜品既伯爵茶达克瓦兹食落系甜，但又出奇食到伯爵茶既味道，因为店铺系用玛黑兄弟蓝伯爵茶煮英式蛋奶酱，打入奶油，形成滑顺既奶油霜，食落甜但呢种甜又唔会令人觉得过火，好适中，味道好丰富因为唔会得甜一个层次，会食到浓既茶味，茶香飘逸，清新脱俗。
伯爵茶都我觉得最好食既口味之一，唔会输比抹茶，因为佢唔会得个甜字，多重既味道加上达克瓦兹外内既反差。
-
3️⃣⃣ 东京都焙茶夏威夷豆达克瓦兹 💰35（👅: 9/10）
东京都焙茶夏威夷豆达克瓦兹
$35
27 浏览
2 赞好
0 留言
达克瓦兹既杏仁酥脆饼皮依旧系口入面化开，内馅随即蜂拥而上。
焙茶系选用日本的焙茶粉，香气非常浓郁，食到烘焙既焦香，奶油霜除左有茶味仲食到小小苦涩味，但回甘后会食到烘烤过后既夏威夷果仁口感。
食到第3件觉得茶味既达克瓦兹都系特别出色。
-
4️⃣⃣ 焦糖奶油盐之花达克瓦兹 💰35（👅: 9/10）
焦糖奶油盐之花达克瓦兹
$35
41 浏览
3 赞好
0 留言
内馅系煮过既焦糖再加上法国盐之花，再拌入奶油霜，食落小小似牛奶糖既味道，
盐之花会令内馅唔会得个甜字，有层次既咸甜，口感丰富但甜而不腻。
-
5️⃣⃣ 香草可丽露 💰36（👅: 8/10）
香草可丽露
$36
179 浏览
2 赞好
0 留言
可丽露同为一种小型既法式糕点，外型上小巧有分层的圆柱体，系日本系热门既甜品。做法系用鸡蛋、牛奶同面粉，加上兰姆酒同香草调味。
表层系铺左焦糖既微硬外壳，表层系铺左焦糖既微硬外壳，外层系偏硬但内馅系软熟，外层硬得黎小小脆口，富有焦糖味。内馅会见到小小蜂巢形状，食落口感软绵湿润。
-
6️⃣ 伯爵茶可丽露 💰36（👅: 8/10）
伯爵茶可丽露
$36
99 浏览
2 赞好
0 留言
同样地可丽露既外层系偏硬，香港好小有得食所以唔知平时系质感系咪都系咁硬，外壳一样沾满焦糖既味道，油亮亮。
微微嘅伯爵茶香会慢慢渗出，甜而不腻，内馅同外层继续形成对比，口感丰富。
-
7️⃣ 盐之花巧克力夏威夷豆费南雪💰22（👅: 7/10）
盐之花巧克力夏威夷豆费南雪
$22
29 浏览
2 赞好
0 留言
费南雪系一种小型法式蛋糕，味道较淡，但食落质地湿润，小小似海绵蛋糕。
用杏仁粉或者压碎研磨既杏仁，煮到略焦，会散发坚果香气既奶油。
外形系长方形，因为似海绵蛋糕所以口感无好惊喜，味道除左食到杏仁味，食到焦香奶油，同店铺常用既盐之花，但整体味道未到好惊喜，食落唔甜。
-
8️⃣ 老奶奶柠檬小蛋糕💰28（👅: 7.5/10）
老奶奶柠檬小蛋糕
$28
88 浏览
2 赞好
0 留言
唯一一款常温点心，店员提醒可以唔驶冷藏，分开存放。
小蛋糕既口感似磅蛋糕同海棉蛋糕既中间，外面淋上柠檬糖霜，味道偏酸，柠檬味重，食落口感湿润扎实。
-
9️⃣ 布列塔尼💰24（👅: 8.5/10）
布列塔尼
$24
72 浏览
2 赞好
0 留言
布列塔尼系一种酥饼，同样来自法国，名字由来系布列塔尼区。
酥饼加入左法国伊思妮发酵奶油、香草荚、和盐之花，食落口奶香浓郁，甜中带咸，盐之花有中和到当中既甜，咸甜交杂。食落系非常酥脆，质感可能只系输比达克瓦兹小小。
-
🔟 干邑橙酒巧克力玛德莲 💰22（👅: 7/10）
干邑橙酒巧克力玛德莲
$22
25 浏览
2 赞好
0 留言
玛德莲系一种传统既贝壳形状小蛋糕，都系来自于法国既甜点。做法系将热那亚蛋糕面糊，放置系贝壳形状既模入面烤制而成。
食落去系质感绵密扎实既蛋糕，但味道会比海绵蛋糕浓郁，带小小湿润，除左有浓郁奶油香味之外，橙酒巧克力都几出但唔会太甜。-
1️⃣1️⃣ 黑玛蓝伯爵茶玛德莲 💰22（👅: 7/10）
黑玛蓝伯爵茶玛德莲
$22
55 浏览
2 赞好
0 留言
用来自法国黑兄弟伯爵茶叶做成，系烤焗既过程，茶叶经过高温更加能释放扑鼻既茶香，好似我之前咁讲，店铺既茶味甜品都较出色，食到唔甜但有回甘既茶味，个人钟意伯爵茶多过干邑橙酒巧克力口味。
-
🌟试过咁多款甜品之后，觉得最惊为天人始终系佢既招牌达克瓦兹，因为佢既酥脆外屠加上佢内软既奶油霜，唔同口味都系咁出色又有口感上既享受。
布列塔尼系估唔到既酥脆外层，奶油味重加上咸甜交杂。
可丽露食唔惯会觉得外层好硬，但肉馅丰富同外层形成对比。
小蛋糕食落柠檬味重，有甜有酸，口感湿润令人有小小惊喜。
费南雪似海绵蛋糕系无咁惊喜，不过盐之花巧克力夏威夷豆既口味好夹，唔会有一样喧宾夺主。
玛德莲食落系蛋糕所以惊喜到无咁高，系熟悉既口感。
个人对各甜品既排名: 达克瓦兹>布列塔尼>可丽露>小蛋糕>费南雪
-
店主希望食到店铺甜点既每一个人，都可以有恋爱的感觉，就好似每段关系都有柠檬既一点酸，巧克力既甜，抹茶既苦而回甘。用唔同食材和产品令顾客感到幸福，永远的幸福。就好似店名咁，Lovever系Love 同Forever 既合体，不会因为时间而改变对彼此热情既恋爱，希望爱恋能够永远持续，唔会结束。
-
👅味道: 9.5/10
🍴环境: 6/10
💰消费: $35 (服务费: NA)
张贴
