雅士餐廳

营业中

休息中

今日去咗粉岭拜年，新年期间食得太多中餐，所以今晚就选择咗西餐，友人带我去咗呢间旧式西餐厅，已经有40年历史，朋友话晚饭时间餐厅都系Full House，客人大多数系老街坊，餐厅装修正是旧式西餐厅的Feel，好亲切。睇餐牌啦，选择好多，本来想食铁板餐，但系有个更吸引嘅”雅士特选套餐“ ，有我钟意嘅酥皮汤，梗系要呢个啦。特选套餐都几丰富架，首先有个蒜蓉包，热热地，又够香口。跟住头盘2选1，我哋三个都叫咗呢个餐，所以两款头盘都有试到，两款都即叫即焗，好大只，新鲜好食😋法式焗田螺蒜蓉焗扇贝我最期待嘅，酥皮焗海皇鱼翅汤，真系好好饮啊，童年回忆，材料多，好想饮多个，但系饮咗个汤已经饱咗大半😊主菜-鸡扒，超大块，煎得好好味，加上黑椒汁，绝配。另一主菜-猪扒，超大块，仲要有2块，抵食👍🏻佢哋嘅酱汁系分开上的，可以除自己喜好落多或少。甜品可以啫喱或雪糕，儿时回忆即刻返嚟，两样都想食😋多谢朋友带我去食咗一个丰富而满足的晚餐，原来粉岭都好多嘢食，好满足的一个晚上。