茶餐廳2.0 (已結業)

收工同朋友去左荃湾行IKEA 谂住买D 家品，行完之后佢话想食茶记，谂起隔离愉景新城有间茶餐厅2.0 ，所以就行左过去食。仲记得之前呢度嘅晚市好旺埸，但而家真系差左好多。呢度嘅食物款式依然好多，今次就食中式嘅小菜，小菜我地叫左3个，分别系西兰花炒带子、一品八珍豆腐煲同虾干土鱿蒸肉饼，再加一个炒油麦菜，价钱加埋都系$300 左右，相当超值。西兰花炒带子带子几大只，不过可惜唔太够味，西兰花就炒得唔错，几有酒楼嘅味道。一品八珍豆腐煲热辣辣，入面仲有唔少海鲜，成个煲都好入味，冬天劲正。虾干土鱿蒸肉饼用黎送饭一流，肉饼蒸得岩岩好，咬起来鲜嫩多汁非常有口感。清炒油麦菜份量都唔少，炒得好 翠 绿得黎又入味。跟餐送嘅中汤系合掌瓜汤。黑糖仙草鲜奶同黑糖鲜奶黑糖味几重，维持一贯水准。