Hungry Elephant (已結業)

未试过食呢间既晚餐。餐厅空间大，枱与枱之间都有距离，坐得几舒服。一行五人，一人一个dinner set, 两个煎牛柳，两个虎虾意粉，一个鸡扒。dinner set 有餐汤、沙律同甜品。汤同沙律冇得拣，甜品有得拣雪糕或者奶冻。 +$28有杯生杯。因为啤酒唔够饮，就再加鳕鱼干、串烧set。餐汤，系蘑菇汤，闻到好香，不过略稀左少少。沙律，竟然加左d三色椒，几fresh既。铁板安格斯牛柳，同某连锁扒房一样，铁板上黎，再淋汁。普通。铁板鸡扒，正常，份量少，唔够饱。虎虾意粉，有两只煎虎虾，三只普通虾。虎虾㶶左个面，卖相减分，冇乜味。普通虾有一只入面系生既，扣分。鳕鱼干，正正常常串烧拼盘，系全晚最好食既。奶冻，冇特别。雪糕：朱古力味有真朱古力粒，ok既。云尼拿就太甜。有得拣就拣朱古力味。埋单加一，食左千二蚊，唔系甘抵食。