翡翠拉麵小籠包 (已結業)

呢几日比部 #手机 搞到头都痛埋😮‍💨 见手上仲有啲 #HarbourCity dining coupon喺度，一于唔好嘥，乘机请半日假走去 Pixar Fest #打卡 之余，再食埋个late lunch先去下一站😬陪住大家成长嘅 #Pixar动画人物 果然有佢嘅卖点，估唔到星期五嘅下昼已经吸引咗唔少人嚟潮拜，我哋只好快闪影几幅相就去揾食🤤 因为当时已经三点有多，我个肚已经饿到打晒鼓，就近近地拣咗前面嘅 #翡翠拉面小笼包。入嚟之前，仲谂住可以食到佢哋拿手嘅 #百叶红烧肉，点知睇匀成个餐牌都冇咗呢个𩠌👉🏻👈🏻 只好退而求其次，点咗个 #嫩鸡煨面、#糖醋鱼柳 做我哋嘅午餐😉 眼见仲迟过我哋入嚟𠮶位哥哥已经食饱埋单，但系我哋啲食物一直未见影😅 …可能系太肚饿，心情特别期待😆 前后大概等咗半个钟，终于有嘢食🤤 不过唔知点解 #传菜姐姐 硬系要将啲食物放到半呎咁远，唔知仲以为自己呢餐去咗大排档😅 食物味道都算唔错， 煨面个汤底够晒热辣辣，面条索哂啲汤汁好鲜味🤤 #糖醋鱼柳 更系令我喜出望外，鱼块够厚身，个 #酱汁 甜甜酸酸好开胃🤤 最后再配埋杯 #冻豆浆… 确系唔错😉