影片
更多
2021-08-10
1407 浏览
因为咸甜点太多，每次写下午茶都好长😂 真系呕心沥血之作，希望比到真实感觉大家啦😻平日要翻工，星期六日又好full，唯有乖乖地咁提早成3个月book，先嚟到朝圣🤓顺便同我个fd庆生，仲有一件朱古力🍫蛋糕🍰送～ 装修方面因为Tiffin历史比较耐会旧啲，但系楼底超高加埋落地大玻璃，系grand既😎 影相要影埋境既话记得把握时间影😂 如果唔系好晒又miss左既话，可以问下staff可唔可以暂时拉一拉高个廉～ 另外会有staff即场弹琴🎹同拉小提琴🎻，classical piece 同流行曲交叉弹奏几chill，气氛都好啲，心旷神怡～ 时间系3:30-5:30，除左甜品bar系去到5:30，可以坐到6点～ 整体野食唔错，睇得出有花心思去做mix and match, 虽然甜点整体甜左啲，但配搭有层次，加上有埋自家制雪糕同额外既甜品bar, 对得住呢个价钱同埋抵食👍🏻由个架既底层开始讲起～(5😍 系满分，🤩系半分）Raisin scone, plain scone (好味指数：😍😍😍😍🤩）Scone 向来系tea set既重点之一，今次有原味同raisin, 质地唔会干到一切就碎晒，亦未至于湿到
平日要翻工，星期六日又好full，唯有乖乖地咁提早成3个月book，先嚟到朝圣🤓顺便同我个fd庆生，仲有一件朱古力🍫蛋糕🍰送～ 装修方面因为Tiffin历史比较耐会旧啲，但系楼底超高加埋落地大玻璃，系grand既😎 影相要影埋境既话记得把握时间影😂 如果唔系好晒又miss左既话，可以问下staff可唔可以暂时拉一拉高个廉～ 另外会有staff即场弹琴🎹同拉小提琴🎻，classical piece 同流行曲交叉弹奏几chill，气氛都好啲，心旷神怡～
时间系3:30-5:30，除左甜品bar系去到5:30，可以坐到6点～ 整体野食唔错，睇得出有花心思去做mix and match, 虽然甜点整体甜左啲，但配搭有层次，加上有埋自家制雪糕同额外既甜品bar, 对得住呢个价钱同埋抵食👍🏻
Afternoon tea
74 浏览
0 赞好
0 留言
由个架既底层开始讲起～
(5😍 系满分，🤩系半分）
Raisin scone, plain scone (好味指数：😍😍😍😍🤩）
Scone 向来系tea set既重点之一，今次有原味同raisin, 质地唔会干到一切就碎晒，亦未至于湿到咬落去会痴牙，湿度啱啱好，外脆内软，同埋几香牛油味🧈😋 Raisin味唔系原粒放入去，而系打碎左捞入去，因为唔系好碎，有翻软糯既口感之余，唔会抢左scone既focus，呢点唔错～ 另外配左3种酱，分别系lemon curd🍋, clotted cream🍶同埋strawberry jam🍓 Lemon custard 似重奶油味既柠檬🍋夹心饼咁，够酸但反而有少少济；clotted cream 几好～ 重奶香之余够挺身，至于jam就比较普通，酸酸甜甜
Tiger Prawn charcoal sub, Saffron Mayonnaise, Chervil 🍤 (好味指数：😍😍😍🤩）
呢个偏淡，虽然有几多虾🍤，口感爽口，但无咩虾🦐味，同埋个酱落得太少，但系唔知系咪因为太少既缘故食唔出酸酸甜甜... 至于个竹炭包味道同普通包一样，都几香同松软！另外有埋啲蕃茄🍅同菜🥬，配搭几均衡，不过真系淡左啲...
Tomato Terrine, Olive, Basil Pesto, Tomato Crouton 🍅 (好味指数：😍😍😍😍）
上面长方形既系Tomato Terrine，用左蕃茄🍅蓉、香草包紧压喺条型模具入面，用隔水加热法去煮，摊冻之后再切片上碟，所以口感似爽口jelly同软滑牛油🧈既混合体，另外因为有唔同香草🌿，味道偏向似意粉🍝酱，蕃茄味🍅都重，酸酸甜甜，食面包🍞好似食意粉🍝咁，感觉几特别！个油煎方型小面包片🍞都有淡淡既蕃茄🍅香味，香脆可口！
Foie Gras Tartlet, Raspberry 🍓 (好味指数：😍😍😍）
呢个差啲，带有啲苦味，可能系取胆整穿左搞到啲胆汁流左去肝𠮶边... 不过口感都creamy既，系比较稀既mousse质地，脂滑咸鲜，有唔少人以为foie gras等于鹅肝，其实只系经过传统喂养方法后取出既肥肝～ 个tart仲加左红莓🍓，酸酸甜甜令到个tart无咁济，tart皮再带有啲牛油🧈香味几松脆！
Smoked Salmon Sandwich, Salmon Mousse, Cream Cheese 🍣🥪 (好味指数：😍😍😍😍🤩）
第一次见会将三文鱼🍣另外打成mousse既质地，有双重三文鱼🍣滋味😋 亦无因为打左做mousse就用差啲既三文鱼，香味同质感同上面一片片既一样，有淡淡既烟熏香味，质感丰腴嫩滑，加上选用既是左鱼背既肉，肉厚同埋脂肪少，色泽鲜艳！配埋丰盈既cream cheese, 又香又creamy，唔会济，应该系三文鱼质素好既缘故！面包🍞湿润软熟，呢个组合好食😋
Tiffin Club, Provolone and Cheddar Cheese, Mortadella, Salami 🥪 (好味指数：😍😍😍😍）
Tiffin牌既公司三文治🥪用左松软既麦包，包住菜🥬、火腿🥓、两款芝士🧀，最底有一块意式猪肉肠🐷同埋用茄汁捞左一粒粒切碎左既肠，火腿🥓咸度适中，mortadella 同salami 唔够浓郁，芝士🧀今次用Provolone同Cheddar，Provolone系偏硬身既芝士🧀，浓郁略带甜味；整体层次都丰富，不过可以喺上枱之前整热，咁就可以将芝士🧀拉丝既特质同香味更好咁发挥出嚟，同埋腌肉个味可以出啲！
讲完scone同咸点，就到甜点啦😜 普遍都甜左啲，蚂蚁人🐜会好开心😂 不过胜在当中有落心思配搭过，有唔同既组合同层次，唔系求其上啲好普通既cake凑够数就算～
Afternoon Tea
75 浏览
0 赞好
0 留言
Grand Hyatt Chocolate Cake 🍫🍰 (好味指数：😍😍😍😍）
因为有朋友生日，所以送左呢件蛋糕🍰，朋友个名系印上去既，都几靓👍🏻 朱古力🍫味浓郁醇厚，质地rich得嚟幼滑，有啲余韵留喺口入面～ 入面既海绵蛋糕🍰口感湿润，不过比较单调，可可味可以多啲层次感，例如用多啲唔同浓度既朱古力🍫，同埋都系甜左啲...
Yuzu Pineapple Cheesecake 🍊🍍🍰 (好味指数：😍😍😍😍）
口感轻盈细滑，上面有一pat黄色既gel，系柚子🍊同菠萝🍍既mixture，清新又酸酸甜甜，质地比jam更加爽滑，即使个cake甜左啲但都唔会好漏！中间有块无咩味既橙色大菜糕隔开gel同chessecake，而浅黄色既朱古力皮同意料之中既白朱古力一样甜，好在整体既酸味有中和翻个甜味！
Blueberry and Violet Custard Profiterole 🔵🌰 (好味指数：😍😍😍😍🤩）
呢个甜度最适中，无左朱古力🍫既甜点甜度都控制得比较好～ 泡芙金黄色既外壳香酥松脆，加埋另外有块菠萝包皮喺出面，令到表皮既松脆多左个层次，仲有啲奶香～蛋香🥚馥郁，里面口感湿润带有少少烟韧，配埋紫色绵密顺滑既custard，甜而不腻，蓝莓🔵清淡芳香，酸酸甜甜又清爽！
Mango Passionfruit Mousse, Chocolate Crunch 🥭🍫(好味指数：😍😍😍😍）
出面有一层薄薄既jelly，包住里面酸酸甜甜既mousse，清香甘甜，芒果🥭同热情果呢两种浓味既生果香味互相辉映～ 里面用左洋槐蜂蜜🍯同芒果🥭制成的果酱，用蜜糖🍯取代砂糖，健康之余亦多左一种芳香！不过个chocolate crunch🍫太甜，虽然食得出朱古力🍫几浓郁，但𠮶阵几饱下就无继续食，呢个扣左分
Peach and Madagascar Vanilla Trifle, Pistachio Streusel 🍑 (好味指数：😍😍😍😍）
呢个系开心果碎白桃🍑云呢拿英式布甸🍮，trifle系一种乳脂松糕，由一层厚既、凝固custard加埋水果、海绵蛋糕、jelly 再加上新鲜忌廉，分层排列所做成～ 味道甜美，好似布甸咁香浓，用左马达加斯云呢拿，有独特带有啲rum味同甜甜既香味，加埋有芬芳丰郁、甘甜多汁既白桃🍑～ 口感香滑柔软，层次丰富，开心果碎同埋白桃可以再多啲就再香口啲咁仲正👍🏻 同埋一样系出面既白朱古力🍫皮甜左啲...
讲埋呢个甜品bar就解释到点解会饱到夜晚咩都食唔落，第一次食tea食到咁饱 😂好欣赏啲雪糕🍦全部系自家制既，口味特别又好食😋虽然其他自助甜品麻麻地，但有咁多选择，真系值回票价！
Unlimited desserts:
Waffles (好味指数：😍😍😍😍🤩）
waffle比起crepe稍为香口啲，但蛋🥚香味可以再出啲，同埋以原味黎讲颜色稍为深色🏿左啲，有淡淡既烘烤香味，不过入口再香脆啲更加好，宜家系有少少偏硬～ 里面软熟，口感相对上厚实，加左果酱都唔会变腍～
Crepes (好味指数：😍😍😍）
Crepe煎得够薄身，甜既crepe要煎得淡黄色，呢层都合格，不过有少少济，因为蛋🥚香味唔够出，加上质地比较湿，边位唔得脆口，中心部分可以再烟韧啲~ 酱有芒果🥭、士多啤梨🍓、朱古力🍫同蓝莓🔵任供选择，同平时既糖浆一样，偏人工味一啲
Dessert Bar
48 浏览
0 赞好
0 留言
Homemade Ice-cream 🍦🍨 (好味指数：😍😍😍😍😍）
主要分左雪糕🍦同雪葩🍧，口味定期都会变，好多crossover味🤩 仲会放原材料喺个雪糕上面，令人感觉更加真材实料👍🏻 两款都好食😋 雪糕🍦奶香味浓，好幼滑；雪葩都好幼滑，入口即融，加上无牛奶🥛，脂肪含量同热量都较低，对于想减肥又控制唔到食冰既好选择！由左上角开始讲起～
Ice-cream
44 浏览
0 赞好
0 留言
马达加斯云呢拿雪糕🍦：有独特带有啲rum既味道同甜甜既香味，故不少甜品制作商都倾向选择呢个产地既云呢拿作原材料，今次用左呢款云呢拿几香，亦睇到一粒粒云呢拿籽系真材实料，唔系靠香油😻 所以呢款系最简单经典但又沁人心脾既选择！
西瓜vodka 雪葩 🍉：呢个组合几特别，虽然话平时cocktail都系将唔同既生果mix埋一齐，但系呢个组合用黎整雪葩小编都系第一次见，酒味唔系好重，带有啲酒甜，都系可能因为有小朋友在场既缘故所以酒味淡，但有甘甜柔和清甜既西瓜味🍉，偏向微酸甜的口感
Ice-cream
41 浏览
0 赞好
0 留言
椰子雪葩 🥥：味道清甜，口感几绵密扎实，椰子🥥味可以重啲，同埋可以加=少少椰子肉粒🥥或者椰果粒，口感会更加丰富，宜家如果同另一款雪糕🍦一齐食会kum左椰子🥥味
柚子雪葩 🍊：有酸甜杂陈既味道，柚子🍊清香扑鼻，好fresh又开胃，有埋少少柚子果肉粒几正！
法式朱古力雪糕 🇫🇷🍫：结合左美式🇺🇸既浓郁同意式🇮🇹的既健康低热量，味道浓郁之余又比较绵密有层次，有呢个效果系因为有将牛奶🥛、糖、蛋黄 (精髓)加热做成custard，食落果然名不虚传 🤩 口感正软滑之余朱古力🍫既味道芳香馥郁，正！
热情果芫茜雪葩 🌿：原本觉得几特别，但系芫茜🌿本身太重味所以盖过左个热情果既香味，只系食到酸味，有啲嘥左个热情果，不过芫茜fans应该会钟意😂 第一次食到芫茜🌿既野食带酸～
芒果糯米饭雪糕 🥭🍚：呢个几得意，真系有啲饭粒，口感有少少烟韧，加上第一次食到呢个口味既雪糕几特别，芒果🥭清爽香甜带有少少微酸，味道天然，如果再多翻啲椰汁同芒果🥭味就perfect～
黑加仑子香槟雪葩 🍇🍾️：黑加仑子🍇果香浓郁，酸甜可口，配埋醇正清雅既香槟🍾️，感觉轻盈爽口，因为香槟🍾️可以中和翻黑加仑子🍇𠮶种腻腻既甜香，呢个配搭几好～
Ice-cream
41 浏览
0 赞好
0 留言
海盐焦糖雪糕 🧂：宜家越黎越流行呢个咸同甜既mix & match，系几夹既～ 淡淡既咸香平衡左甜味，同时增加左焦糖既饱满度同奶油香味，令到口入面焦糖既余韵留耐啲，仍然有啲焦苦带有甘甜醇厚既感觉几正～ 同时唔会好甜！
咸蛋肉松雪糕 🥚🟡：真系好重肉松味🤩 有浓郁咸鲜既肉香，而且肉松入口即溶既特点同雪糕有啲似，又有一丝丝脆香软绵既肉松，所以更加似同好食👍🏻 不过咸蛋黄🟡 个味唔够出，同埋如果善用埋佢沙沙既口感落多啲连埋细细粒既蛋黄增加颗粒感就更加好！
Fruits and Petit Fours (好味指数：😍😍😍😍）
生果方面有几多选择，分别有提子🍇、火龙果、蜜瓜🍈、菠萝🍍同橙🍊，全部都好新鲜同埋香甜！
Fruits
37 浏览
0 赞好
0 留言
Peach plambe served with rum baba 🔥🍑 (好味指数：😍😍😍）
个火焰桃🍑可以自由配crepe / waffle / 雪糕 / rum baba咁食，带有啲甜酒香味，烧既时候挥发左所以唔会太重酒味几好～ 不过桃🍑既香味有啲淡同埋本身唔系好够甜；至于Rum baba 系一种浸左香醇rum 酒、质地蓬松既海绵蛋糕🍰，不过呢个太甜，漏左啲，可能因为rum syrup 用多左，蛋糕🍰质地偏湿同实身，比较似牛油蛋糕... 加上已经太饱就无咩点食
Rum Baba
29 浏览
0 赞好
0 留言
Chocolate truffles (好味指数：😍😍😍😍🤩）
松露形朱古力，因为形状模仿法国🇫🇷出名既食材“松露”所以有呢个名～ 朱古力表面有一层可可粉，所以入口先苦后甜，口感细腻香醇，丝丝浓滑～ 另外因为有23度既超低melting point，所以会比更加“入口即化”，食完个口仲有浓厚既余韵！不过因为太浓朱古力味🍫，食得多会漏，想试多啲其他野既话记得忍口 😂
Marcaroons (好味指数：😍😍😍🤩）
有好多款味，五颜六色咁几梦幻，有一层极薄酥既外层，里面系蛋白饼变翻常温之后软糯，带啲糖心既口感，外壳略脆，里面软糯，不过一如以往食既marcaroons，全部都比较甜...
原味最重杏仁🌰香味～；
柠檬🍋味既感觉有啲似柠檬🍋夹心饼中间个酱既味，酸酸地中和翻无咁甜会清新啲；
红莓🍓味酸酸甜甜，又唔会有药水味都唔错！
绿茶🍵味有啲失望，因为除左本身既杏仁味，食唔出有茶味...
朱古力🍫味偏淡，但都唔错～
至于咖啡☕️味就浓啲，亦无好似咖啡糖🍬咁假味，相对上会无咁死甜～
Macaroon & Chocolate
35 浏览
0 赞好
0 留言
$328 for 1 (未加一) (7月价钱)
好味指数：😍😍😍😍
推介指数：😍😍😍😍🤩
张贴
