金滿象正宗泰國菜

营业中

休息中

好耐无食金满象，对上一次黎仲系有两个舖位，有平民版粉面餐牌同正价版两款餐牌…今晚再次帮衬已经得返本舖一间同埋得返正价餐牌。酸辣凤爪系泰国菜必叫，份量好足，非常入味，唔记得叫少辣食到个嘴有啲麻。青咖喱炒米，上面蟹肉唔少，不过唔系同个米粉一齐炒，所以啲蟹肉系原味黎，即系好清淡。但个米粉一样好入味，而且系条条米粉都挂到汁，干爽，好好食，食得好舒服。牛油大虎虾系呢餐既亮点！真系好正好香好爽口！虽然百几蚊只系得两只虾，但系食完之后真系觉得值呢个价！虾身有一只女士手掌咁长既，虾头同虾身差不多系1：1。唔系好大只但都有啖啖肉既口感，加埋上面果层牛油面包碎，食落好丰富，不过我唔食虾头，评唔到个头有几正…。虽然当下有少少唔够喉，但一人一只系几fit ，我估食多只会有啲腻，重牛油嘛。食完呢餐之后对金满象有重新既印象，打算再试下餐牌上面其他食品，期待有更多惊喜。当晚星期六都好爆，见唔少人walkin 要系门外干等，大家可以多善用open rice 订位功能。