金寶越南餐館

营业中

休息中

用餐当日系8月尾的星期日晩约6点45，虽然时间仲早，但因为宋皇台地铁站开通了才不久，站吸引咗好多人过嚟食饭，街上的泰国餐厅全部已经要排队。见呢一间主打越南菜嘅餐厅仲有位，便入去用餐。呢间都系九龙城老字号，质素有保证。我哋叫咗炸虾饼，椰菜鸡丝沙律，青木瓜沙律，大泰式拼盘，酸辣海鲜汤，椰青海鲜焗饭和泰式炒粉。呢间餐厅系用电话自己落单，上菜速度都好快。两个沙律先上，原来两个沙律系差唔多只差咗一个有鸡丝，一个冇，系越式沙律，用鱼露调味。个拼盘好大份，有香叶包鸡，串烧，炸春卷和炸虾饼，分量大味道达水准。个焗饭面有三只大虾，满满的饭。泰式炒粉有啲失望，唔似平时食开嘅，呢𠮶可能冇乜落笳汁，色水偏黑。呢间餐厅环境干净，座位唔逼。待应服务态度好。