影片
更多
2021-10-25
1469 浏览
好想食点心，咁啱又经过何文田，所以就来成日都听嘅文华园。唔知系咪天气热，阿E既心情都有点不耐烦，先来一句，你咩事啊~来招呼客人😅我当然择佢出名嘅花胶灌汤饺啦，再点多一款我想试嘅柚子蛋散及我最钟意嘅芒果布甸。但因为地方有限，所以我买返屋企食，等既时候都好快，呢头叫完就有得拎👍我外卖但竟然都冇走样。先讲灌汤饺，佢唔单止有好大既碗装住，个碗入面仲有个锡纸兜，所以返到屋企只灌汤饺都仲好靓仔，冇撞到散晒。味道方面，汤十分清甜，饺皮亦适中，唔会太薄，一下就散，亦唔觉得太厚，食到成口粉咁。馅料方面，味道十分够，亦唔觉得好重味精味，食完唔会好口渴，但系馅料有d散，口感差d。之后我打开蛋散一睇，有D喜出望外。同酒楼食既蛋散系外层布满蜜糖，但佢地既系放D柚子蜜系一边，比你自己决定要几甜就点几多，而且因为冇蜜糖既外层，食落口十分酥脆，而且用柚子蜜亦十分聪明，甜中带小小柚子既香味，唔会太甜，做到平衡。最后食甜品，芒果布甸。以价钱来讲，有D细，食两啖就食完，但味道就一流，食落唔似平时死实实既布甸口感，入口顺滑，而且有杨枝甘露既感觉同味道。食物方面，性价比高，以呢个价格做出来相对超班，只系芒果布甸有点小，但灌汤饺
我当然择佢出名嘅花胶灌汤饺啦，再点多一款我想试嘅柚子蛋散及我最钟意嘅芒果布甸。但因为地方有限，所以我买返屋企食，等既时候都好快，呢头叫完就有得拎👍
我外卖但竟然都冇走样。先讲灌汤饺，佢唔单止有好大既碗装住，个碗入面仲有个锡纸兜，所以返到屋企只灌汤饺都仲好靓仔，冇撞到散晒。味道方面，汤十分清甜，饺皮亦适中，唔会太薄，一下就散，亦唔觉得太厚，食到成口粉咁。馅料方面，味道十分够，亦唔觉得好重味精味，食完唔会好口渴，但系馅料有d散，口感差d。
之后我打开蛋散一睇，有D喜出望外。同酒楼食既蛋散系外层布满蜜糖，但佢地既系放D柚子蜜系一边，比你自己决定要几甜就点几多，而且因为冇蜜糖既外层，食落口十分酥脆，而且用柚子蜜亦十分聪明，甜中带小小柚子既香味，唔会太甜，做到平衡。
最后食甜品，芒果布甸。以价钱来讲，有D细，食两啖就食完，但味道就一流，食落唔似平时死实实既布甸口感，入口顺滑，而且有杨枝甘露既感觉同味道。
食物方面，性价比高，以呢个价格做出来相对超班，只系芒果布甸有点小，但灌汤饺绝对推介，下次有机会想试下食佢地既七色烧卖同咸鱼肉饼饭先😋
张贴
