洛奇冰室 (已結業)

特别消息！登龙街出现咗一个大只佬，只要你肚饿佢就一定帮到你帮到你！8月底进驻登龙街嘅大只佬来自 #洛奇冰室 ，港式茶餐厅美食，但环境光猛相当整洁，一洗茶餐厅嘅旧形象。餐牌常餐、小菜、晚饭、炒面饭类都有，照顾哂你一日三餐。◽️ 洛奇石窝脆米炒饭 $88见到隔离枱叫石窝好吸引，立即潮跟！石窝上桌热焫焫出哂烟，有葱花、虾、冬菇、鸡肉、瑶柱丝、脆米等等，将多种味道集于一身，记得上台时等一分钟先再捞，就会等到脆卜卜嘅饭焦，凉少少食仲啱季节。◽️ 海鲜豆腐煲 $98（跟汤、白饭及热饮）平时啲海鲜豆腐煲都系挂个名，海鲜只占少量空间，这个豆腐煲完全两回事，有好多海鲜，包括：虾仁、鱿鱼、带子，样样都好多，再加埋豆腐同冬菇，好美味！◽️ 鬼马生炒骨 $88 （跟汤、白饭及热饮）鬼马嘅地方系除咗生炒骨外，仲有油炸鬼！酸酸甜甜好开胃，个骨又好香口，佐饭一流。◽️ 中、西汤小菜会附送一碗汤，可以拣中式或西式，中汤滋润；西汤番茄味浓，同样出色。▪️ 冻柠菜、冻华田跟餐转冻饮加$3，冻柠茶茶底浓香、冻华田唔会淡茂茂。