喜來稀肉 (金巴利道)

营业中

休息中

天气凉凉地最适合食韩式烧肉, 再去覆桌吓呢间正韩烧。前菜有3碟酸萝卜、泡菜、酸瓜, 好大份，最钟意泡菜, 食左两碟, 酸萝卜调味刚刚好, 开胃, 唔会太酸。牛护心肉一黎马上叫碟牛护心肉, 本人钟意5成熟, 入口鲜嫩, 有口感, 而且又有牛味。最重要系有一定厚度，吾容易overcook，兼可以锁住肉汁。靓既牛肉即使稍为熟都吾会太影响质素，生熟度可按个人喜好控制。真雪花牛肉呢碟系其中个碟最期待既牛，份量好足, 每块厚度十足，脂肪分布均衡，比少少盐就可以带出肉味。护心肉呢碟系其中一碟最值得推介既烧肉, 护心肉原来系位于猪的横隔膜和肝之间，每只猪只有二百至三百克，极为矜贵。喜来稀肉呢碟护心肉烧香后油分均匀，口感爽滑弹牙。喜来五花肉五花肉既惊喜黎自腌肉既酱料，厚厚既五花肉，烧完吾觉肥腻，啖啖肉，完全吾比牛肉失色。生米酒有气米酒，有苏打气泡，加米酒香，配烧肉一流。