御品·千之味 (大全街) (已結業)

之前听朋友推介千之味，发现屋企附近原来有吖，所以就即系黎试下，支持同路人！我今次就叫左一个寿司盛盒再加和风冷面外卖，唔好睇少佢，有成25件，一个人一定食唔哂吖。呢个盛盒有唔同种类，有齐三文鱼寿司，蟹籽军舰，甜虾寿司，熟虾寿司，北寄贝，八爪鱼寿司，加洲卷。寿司饭唔会酸。三文鱼够鲜甜美味 ，八爪鱼唔会太韧，好有惊喜见到师傅好大方，飞鱼子军舰上面嘅馅多到写晒出嚟。甜虾既鲜甜味好够。加洲卷都好足料。和风冷面真系大件夹抵食，有大量飞鱼子，蟹柳丝，青瓜丝。冷面保留到个面身质地，正。呢度价钱合理，质素又唔错，大家要多多支持。