潮洲滷 (已結業)

每次去湾仔做嘢都会特登去呢间老字号嘅卤水店买啲外卖返屋企比屋企人食，因为屋企人好钟意食呢间 潮洲卤 地址位于湾仔石水渠街1-13号其发大厦地下佢呢度地方唔算大，所以就冇堂食，不过做外卖都做到排晒队，因为除咗价钱公道，味道仲系做得非常出色，食物选择又多，有卤水鹅，鸭，鸡翼，鹅掌，猪大肠，猪手,猪耳，每一样我都钟意食而且之前食过每一样都做得好出色入到舖头姐姐好有礼貌问我想食咩，我见到好多样嘢都想食，但系今晚得我同妈咪两个人食，所以就拣咗妈咪最钟意食嘅卤水鹅，师傅两三下手势就将卤水鹅切到大细适中，都唔使1分钟就搞掂，劲当然外卖跟埋卤水汁同埋醋，师傅提醒唔好直接淋落啲鹅到，要另外攞个碗仔装住，因为直接淋落D鹅到，醋会抢晒个卤水味，大家切记。返到屋企一打开就闻到好香嘅卤水味，卤水鹅做到非常之入味，鹅肉好嫩滑肥瘦适中，完全吸收晒啲卤水汁，绝对唔会太咸，因为平时喺街食𠮶啲卤水汁系好咸，佢个汁调校得啱啱好，令到个卤水鹅个味道更加突出，口感又好。阿妈食到舔舔脷一大碟卤水鹅俾我同阿妈两个人食晒，细佬一定好后悔今日唔返嚟食饭猪耳做到好爽口，钟意饮啤酒嘅人最啱食，卤水鹅肠口感爽口味道又香又甜每一条都非常新鲜用