滔滔甜品

营业中

休息中

夜晚同朋友喺元朗食宵夜，见到呢一间甜品舖都系灯火通明，好多人排队买外卖，所以又走过嚟食一次啦。叫咗个豆花紫花园，底下系豆腐花嘅底，上边有个紫薯雪糕、黑糖冻、同芋圆，都好足料。佢个豆腐花底好香豆味！身边嘅芋圆同地瓜圆都好烟韧，有芋头味同蕃薯嘅味。黑糖冻都好有弹性，食落又唔算好甜，有淡淡嘅黑糖味。我觉得最得意都系个紫薯雪糕，紫薯味系非常非常咁浓，而且入面仲有啲紫薯粒粒，又唔系好甜，非常好食。最重要系呢一个甜品唔算贵，cp值非常高！