影片
更多
2022-03-27
42 浏览
福冈汉堡扒 汉堡扒呢样野真系丰俭由人，好嘅-每啖都充满汁水与脂香，系极级体验。差嘅-每啖都如纸皮般干柴，连垃圾都不如。而呢间汉堡扒专门店，最终质素如何都取决于你嘅双手。 听到个名有「福冈」两个字，又专买·和牛·汉堡，十个人有九个都会觉得系来至日本，咁恭喜你，完全中哂计啦。其实佢系韩国嘅过江龙店fukuoka hambageu，听完个英文名系咪觉得韩风重咗好多呢？fukuoka hambageu 创立后，8年内已经喺韩国多区设有多间分店，仲有埋特许经营商。而登陆香港尖沙咀后，店舖都同韩国冇乜分别。入到去都见到每个位都有个烧肉店先见到嘅迷你抽气烟囱，但座位都系比较紧迫，full house嘅时候一定好震撼。 食物选择同韩国当地大致上相同，有最主要嘅自己烧汉堡扒餐，汉堡扒嘅size有得自己拣大中细。多人食可以叫多个饭，亦可以叫有扒有饭嘅套餐，有选择困难症嘅你都有福了。 两人套餐(ver.4) 套餐有四个version，但食完先发觉两个人叫套餐就真系太饱了。大家可见到，每人都有一大球肉饼，仲有碗大饭，cp值就中上啦。 一大块牛肉球我就用铁铲仔分到10-15小片出黎，再将佢放入232度嘅岩石上烧
汉堡扒呢样野真系丰俭由人，好嘅-每啖都充满汁水与脂香，系极级体验。差嘅-每啖都如纸皮般干柴，连垃圾都不如。而呢间汉堡扒专门店，最终质素如何都取决于你嘅双手。
听到个名有「福冈」两个字，又专买·和牛·汉堡，十个人有九个都会觉得系来至日本，咁恭喜你，完全中哂计啦。其实佢系韩国嘅过江龙店fukuoka hambageu，听完个英文名系咪觉得韩风重咗好多呢？
fukuoka hambageu 创立后，8年内已经喺韩国多区设有多间分店，仲有埋特许经营商。而登陆香港尖沙咀后，店舖都同韩国冇乜分别。入到去都见到每个位都有个烧肉店先见到嘅迷你抽气烟囱，但座位都系比较紧迫，full house嘅时候一定好震撼。
食物选择同韩国当地大致上相同，有最主要嘅自己烧汉堡扒餐，汉堡扒嘅size有得自己拣大中细。多人食可以叫多个饭，亦可以叫有扒有饭嘅套餐，有选择困难症嘅你都有福了。
两人套餐(ver.4)
套餐有四个version，但食完先发觉两个人叫套餐就真系太饱了。大家可见到，每人都有一大球肉饼，仲有碗大饭，cp值就中上啦。
一大块牛肉球我就用铁铲仔分到10-15小片出黎，再将佢放入232度嘅岩石上烧熟。但岩石一上枱仲热过滚水嘅两倍， 容易烧㶶，建议放多一阵再烧，唔够热可以叫职员换石。
牛肉本身都已经有足够油份，所以唔洗好似烧肉咁加油先再烧，但肉放得耐咗都会黐底。经过无数嘅失败同黐底，我发现咗个最高嘅烧法：
- 热石上枱后放一阵，再用铁铲分一旧仔，再放入岩石压扁(要手快如果唔系会黐著个铲)。
- 煎到一面变得有焦皮时，用筷子同铲双手调反转块肉，再快速煎至变色即可(呢面唔洗煎到有焦皮，如果唔系会过熟。加上佢咁大胆放旧生嘅组合肉俾你，品质唔会差得去边，除非佢想食死人，内里微生都得。)
跟咗以上嘅方法之后(p.s.一定唔系最好嘅食法，以上只供参考)，应该会有一面焦㶶嘅脆皮，一面乃保留汉堡肉本身嘅娇嫩。内里微粉而有澎湃嘅汁水，肉味香浓而脂香在你口腔中四处飘散。
下面嘅蛋似系炉边烧蛋，要衬仲有蛋汁嘅时候就要食咗佢，尤其系吸收咗肉嘅油份。配有淡味甜酱油，盐，麻酱生椰菜同泡菜，用作解腻。如果沙津有多D唔同款式嘅蔬果就更好。
芝士泡菜豚肉丼饭
话明二人份，肉量都唔少架。望落红润，肉片薄透，偏向肥腻，但辣酱非常香口，加埋热溶芝士/椰菜/泡菜后口感意外地圆润平衡，非常之下饭，可以一试。
芝士蛋蒜和牛汉堡扒(中)
5 浏览
0 赞好
0 留言
芝士泡菜豚肉丼饭
8 浏览
0 赞好
0 留言
张贴
