Bugis@叻沙・海南雞飯

营业中

休息中

个舖名唔知点解都几难记，门面亦唔特别出彩，行经咁多次荷里活到依家先发现有呢间星马菜。装修格局都系啲一列长卡座有隔板或4人卡座。嗌咗两个午餐加一个麻辣青瓜小食。啲餐嚟到先发现根本唔驶嗌碟青瓜，印尼炒饭都已经有唔少青瓜碟，另外嘥24蚊叫碟青瓜有点多余。炒饭算系相对抵食，饭量系女人小孩份量，又虾又串烧，串烧够多汁惹味。马来月光河有番咁上下价钱亦俾番咁上下份量，炒河食落几似干炒牛河走咗牛嘅味，加只生蛋捞个面令个河湿润啲易入口，配菜有鱿鱼、鱼腐、汁烧虾、鱼蛋切半、小件去骨煎鱼，调味咸甜适中，够哂充饥。