都佐 (已結業)

之前bookmarked 咗已经想去好耐，今日去开荃湾，咁就终于试到都佐。餐厅地点唔系太容易揾，西铁站落车都要行一段路。我哋两个人叫咗牛舌，紫菜冷乌冬，龙虾沙律包，仲有一件蛋糕。首先牛舌比较薄切，冇乜口感，牛味亦欠奉，一般。紫菜乌冬就几好，份量好足，紫菜好脆，加埋细细条蛋丝一齐食，好夹。而且个冷乌冬汁都调校得唔错，好食的。龙虾沙律包望落去都好吸睛，加埋两片大芝士，口感都好丰富。不过仿龙虾肉略为比较有雪味，咁多沙律酱都遮盖唔到。整体来讲可以一试，正常嘅Cafe Standard，再回访就未必。