影片
更多
2023-02-18
45 浏览
对呢间咁有 fushion 意味嘅 pizza 餐厅我一直都有留意，甚么姜蓉腐乳叉烧余均益竟然可以融入西式嘅酒吧餐桌之上实在令人跃跃欲试，今日喺新居附近觅食，系你喇，上嚟啦。餐厅嘅氛围好有离港 feel，加上现场音响，气氛相当唔错。我地择咗个二人餐，只系238 就有一沙律两小食一 pizza 或 pasta 仲有两杯啤酒，真心非常抵食。餐厅有好几款时令嘅手工 tap beer，全部写哂喺吧枱上嘅呢面镜板度，我拣咗 Heroes CITRINE & EMBARRASSADOR YUZU SOUR IPA，一入口系扑鼻嘅柚子香气，跟住系温和嘅芒果同桃味嘅啤酒花香，同丝绒般顺滑嘅清爽酒体互相平衡。另一杯就拣咗 Young master ink stout，充满麦芽烘烤嘅香味，加上来自可可豆嘅完美香气，Perfect 池。腐乳汁凯撒沙律，呢个沙律真系 fushion 到极致，经典嘅凯撒沙律汁加上腐乳之后味道令人惊喜，最啜核系平时凯撒沙律上面嘅烟肉碎，厨师竟然用咗叉烧去取代，中西合璧得嚟完全没有违和感。招牌肉丸，肉圆口感扎实，面头有炸香咗嘅紫苏叶同埋海量嘅 Mozzarella cheese，同
对呢间咁有 fushion 意味嘅 pizza 餐厅我一直都有留意，甚么姜蓉腐乳叉烧余均益竟然可以融入西式嘅酒吧餐桌之上实在令人跃跃欲试，今日喺新居附近觅食，系你喇，上嚟啦。
餐厅嘅氛围好有离港 feel，加上现场音响，气氛相当唔错。
我地择咗个二人餐，只系238 就有一沙律两小食一 pizza 或 pasta 仲有两杯啤酒，真心非常抵食。
餐厅有好几款时令嘅手工 tap beer，全部写哂喺吧枱上嘅呢面镜板度，我拣咗 Heroes CITRINE & EMBARRASSADOR YUZU SOUR IPA，一入口系扑鼻嘅柚子香气，跟住系温和嘅芒果同桃味嘅啤酒花香，同丝绒般顺滑嘅清爽酒体互相平衡。另一杯就拣咗 Young master ink stout，充满麦芽烘烤嘅香味，加上来自可可豆嘅完美香气，Perfect 池。
腐乳汁凯撒沙律，呢个沙律真系 fushion 到极致，经典嘅凯撒沙律汁加上腐乳之后味道令人惊喜，最啜核系平时凯撒沙律上面嘅烟肉碎，厨师竟然用咗叉烧去取代，中西合璧得嚟完全没有违和感。
招牌肉丸，肉圆口感扎实，面头有炸香咗嘅紫苏叶同埋海量嘅 Mozzarella cheese，同底下个肉酱味道好夹。
威士忌烧烤炸鸡翼，鸡肉嫩滑，难得面头淋上咗个烧烤汁之后外皮依然相当香脆，经典嘅美式烧烤汁带啲威士忌嘅余韵相当特别，隔离𠮶个姜蓉沙律酱简直系神来之笔，用佢嚟点西芹整体感觉相当过瘾。
香肠蘑菇薄饼，材料有意式茴香肉肠、炒磨菇、蕃茄同埋用上咗 Fontina 同 Mozzarella 两种芝士，味道够哂丰富，个 handmade Sourdough pizza 嘅香度同烟韧度真系唔讲得笑，加上大烤炉烤出嚟的确份外香脆，连平时将个饼皮边质哂俾我食嘅胖侣都照单全收，满足。
张贴
