塚田食堂

营业中

休息中

对上一次食琢田食堂系上年十一月既时候，当时食美人锅，今次食下定食先！琢田食堂座位非常多，更难得既地方系好多容纳4至6人既大枱。自助沙律饮品吧只要$20，饮品多达八款，美人果茶几清甜，蜂蜜绿茶味道唔会话好甜。沙律材料款式唔算话好多，但最基本款式都有，包括粟米、沙律菜、蕃茄等等。- 滑蛋鳗鱼定食鳗鱼几新鲜，肉质充满弹性，炒蛋吸收晒酱汁精华变得嫩滑多汁，味道香甜，非常下饭，另外仲有三款配菜同味噌汤，非常丰富。- 豚肉味噌汤带炸池鱼定食豚肉味噌汤材料好丰富，入面有红萝卜、白萝卜、金菇同豚肉，味道非常浓郁，豚肉好入味。炸池鱼炸得金黄香脆，口感酥脆，入口甜美。配菜同样有三款，包括腌青瓜、蒟蒻等等。以上两道菜式都唔驶$100，非常抵食。