616牛肉火鍋專門店 (星峰薈) (已結業)

今晚去左位于将军澳，星汇峰7楼之#616牛肉火锅专门店，主打日本长野县，直接运送嘅信州和牛，价钱亲民抵食，咁吸引🤩我便book左今晚去开餐啰☺️。餐厅宽敞，坐得非常之舒适。点左牛骨清汤，有大大旧牛骨同埋萝卜，汤底清甜。食左翠绿又新鲜嘅油麦菜同皇帝菜打底，打边炉前要食菜先架☺️。信州和牛羽下肉、和牛赤身，和牛后腿肉，牛肉切得厚薄适中，油花分布平均，肉味浓郁鲜嫩可口，款款都好好食☺️。小食点左花雕醉鸡卷，腌制得入味，够冻作为前菜很啱胃口。老友话要食埋稻庭乌冬先够饱肚。饮品点左乌梅汁同洛神玫瑰茶，好饮唔甜够晒解渴。餐厅有牛嘅不同部位选择，牛魔王的你黎就啱晒心水啦👍！