一鳴丼食堂

营业中

休息中

大埔墟街市对出嘅几条街巷都有唔少食肆。今晚收工经过大埔，想食日本嘢又唔知食咩好，于是拣左一鸣丼食堂。 其实一鸣嘅舖位系一分为二，一边系主打拉面，另一边厢系食日式丼、刺身同寿司。此外，佢哋重会供应埋串烧。黎到谂唔到食咩唔紧要，入到餐厅可以再度下。😂餐厅因为供应多类食物，所以楼面面积相对较细。光顾当日正值星期五晚膳时间，而我哋系walk in，撇除预约嘅位置，只剩下两个位置。所以如有兴趣一试，建议先行预约。因为系放工去食嘅关系，所以有唔少个人物品。店员见到都主动提供协助，暂时将两个预约座位暂借畀我哋摆放物品。我哋收左蛋汁吉烈猪扒丼定食同埋鱼贝丼定食。定食除主想外，亦包含面豉汤同埋渍物。餐厅会等所有食物备妥先送上，所以备餐时间大概十至十五分钟。丼饭饭质香绵带饭香，而且唔会黐牙。猪扒炸得香脆，唔会太硬身。炸衣厚度适中，而且无散开。丼饭亦有加入洋葱丝同葱花，平衡左猪扒嘅油腻感。鱼贝丼方面，鱼生会同饭分开送上。鱼生鲜甜无腥味，当中鱼类刺身相对突出，尤其是三文鱼肥美无渣。是次用餐经验唔错。下次经过大埔墟时会试埋一鸣拉面质素如何。 👍