黑木亭居酒屋 (金馬倫道)

Lunch商务二人餐之《黑木亭居酒屋》话说回来，之前食过天后黑木亭，质素唔错，成日心思思想食多次，结果朋友又话请我食生日Lunch，哈哈，所以我地拣左尖沙咀黑木亭，商务二人餐好抵食，平日有7折，姐系$398，已经包括有刺身，卷物，两款定食同雪糕，三点刺身盛：刺身厚切，肥美新鲜，火灸左口鱼边卷：份量都算多，左口鱼边卷包住玉子同青瓜，烧过既左口有鱼油香，鱼籽同黑鱼子好鲜味， 芝士流心玉子鳗鱼饭：鳗鱼十分大条同厚肉，玉子烧入面有芝士，芝士好香浓，酱汁加埋鳗鱼玉子烧，捞饭食味道十分夹，角切刺身丼：刺生粒有多款好新鲜，大虾十分爽口，当中仲有蛋丝，刺生粒舖得满满的，好味道，雪糕(两球)：我地拣左芝麻味，总括平日$398系好抵食，仲要食到咁多刺身，下次可以encore。