新記 (牛頭角道)

营业中

休息中

第一次见到「新记」铺面，心谂呢间系「茶餐厅」。但当再仔细睇餐牌，发现唔系一般咁㖞🤩有多样化食物，粥粉面饭样样有。呢次晚餐时间黎食，台面嘅纸已经介绍咗佢地嘅招牌菜，好多都想食呀！唔讲真系以为自己系酒楼添😆好！就食招牌菜啦鸡粥，劲好味🤤鸡滑，入味，粥底绵，粒粒米都开花架。炸鱿鱼须，松脆香口，唔会变鱿鱼干。炸乳鸽，都几大只，皮香肉滑。蒜蓉菜心，够火候，条条菜心都挂满蒜蓉。甜品：姜汁红枣糕，烟韧香甜，衬热食最正。今晚有啲眼阔肚窄，好在有杯泰式青柠冰，清新晒！