影片
更多
2024-01-02
437 浏览
喺金朝阳楼下见到间嘢宣传相片望落都几好，决定上去试一试。一去到门口女侍应嘅态度已经感觉唔想做你生意，因为餐厅分左右两边一边系食日式料理一边系打边炉，我哋问佢有冇menu睇一睇再决定食边一边，佢一脸嫌弃叫我哋自己出门口睇。睇完谂住都系试下重庆火锅啦。火锅汤底正常，环境亦系唔差嘅（因为全场得两三枱客，够晒松动）火锅料方面我哋见到menu上面嘅$398新鲜手切牛肉拼盘，一上枱....哗！完全系急冻野，雪到硬晒，冰都未融, 而且颜色有少少变黑，一睇就知唔系新鲜嘅，忍唔住问下个员工：呢度写住“新鲜手切”,点解黎到系咁样嘅？侍应哥哥精彩回覆：我哋呢度系新鲜手切完之后再去急冻。可能佢自己讲完之后都过唔到自己𠮶关再同我讲左句唔好意思。我哋知道呢间嘢原来系咁样呃人嘅，就唔再叫嘢食，食完净低𠮶啲就埋单走人落去食第二d 野，点知发现唔见咗张信用卡。返上去问，又系门口果位女待应，我好声好气问佢有冇执到张卡，佢好似好激动系咁叫我：你行入去问啦！你行入去问啦！其实全场两边餐厅加埋都系得返一两枱客左右，成班员工都系企喺门口位吹水，又唔系真系忙，有必要咁样态度吗？然后负责收钱𠮶位男待应拎返张卡畀我，佢嘅解释系：你张卡
火锅汤底正常，环境亦系唔差嘅（因为全场得两三枱客，够晒松动）
火锅料方面我哋见到menu上面嘅$398新鲜手切牛肉拼盘，一上枱....哗！完全系急冻野，雪到硬晒，冰都未融, 而且颜色有少少变黑，一睇就知唔系新鲜嘅，忍唔住问下个员工：呢度写住“新鲜手切”,点解黎到系咁样嘅？
侍应哥哥精彩回覆：我哋呢度系新鲜手切完之后再去急冻。
可能佢自己讲完之后都过唔到自己𠮶关再同我讲左句唔好意思。
我哋知道呢间嘢原来系咁样呃人嘅，就唔再叫嘢食，食完净低𠮶啲就埋单走人落去食第二d 野，点知发现唔见咗张信用卡。返上去问，又系门口果位女待应，我好声好气问佢有冇执到张卡，佢好似好激动系咁叫我：你行入去问啦！你行入去问啦！
其实全场两边餐厅加埋都系得返一两枱客左右，成班员工都系企喺门口位吹水，又唔系真系忙，有必要咁样态度吗？然后负责收钱𠮶位男待应拎返张卡畀我，佢嘅解释系：你张卡系黑色，我张枱又系黑色，所以畀张单你嘅时候唔记得拎埋张卡.....系我问题，对唔住。
佢诚心道歉，我觉得就唔紧要啦，所以都冇再讲咩，其实自己都有责任check清楚的。但系做得饮食业，仲要全场几乎冇其他客人，一啲都唔忙嘅情况下，点解都可以犯咁嘅错呢😂
最后真正离开呢间餐厅，感觉上全部员工其实都冇心想做好间嘢，抱住有水鱼入嚟就做一单嘅心态。香港人假日都唔留港消费，某程度上亦都系因为有呢啲害群之马！
新鲜手切牛肉拼盘
$398
36 浏览
0 赞好
0 留言
张贴
