影片
更多
2024-07-13
5254 浏览
屋企人生日🥳，我哋拣咗铜锣湾嘅一间粤菜餐厅一齐食晚饭庆祝。 餐厅装修高级，别具气派。座位方面有室内同室外，而且有厅房，室外位置仲可以饱览维港景色，相当之有气氛。 呢度主要都系食套餐，每位$488。首先系前菜三小食，摆盘同卖相都非常精美。 香橙鹅肝：香橙能够解鹅肝之油腻，多士香脆。xo酱海蜇头：海蜇头好爽口，xo酱惹味。葱油吊片：吊片新鲜鲜甜，口感有弹性，葱油味十足。 蜜汁叉烧：叉烧肉嫩多汁，蜜味香甜。 川贝陈皮水鸭炖汤：陈皮味好浓，食得出系老陈皮味，令成个汤甘甜，非常滋补。 柚子片皮鸡🍊🐔：呢个柚子片皮鸡真系好值得推荐，先讲个卖相，师傅好有心机砌番成个鸡嘅形状，整齐排列好，仲有伴碟嘅青瓜片卷成花，别具心思。片皮鸡做到皮脆肉嫩，阵阵柚子清新味，减低油腻感。 凤梨咕噜虾球🦐：虾球炸得香脆，整体酸甜度调校得恰到好处。 大厨脆炒黄瓜皮：本来对呢个菜色无太大期望，但估唔到有惊喜，黄瓜皮炒得好爽脆，而且非常入味，加上少少辣度，令整个菜式更加惹味香口。 东坡肉煎饭：呢个东坡肉煎饭都好特别，首先个东坡肉炆得好稔好入味，东坡肉脂肪比例恰当，唔会过份肥腻。煎饭做到干身香脆，配合东坡肉一齐食用相当美味。 西
屋企人生日🥳，我哋拣咗铜锣湾嘅一间粤菜餐厅一齐食晚饭庆祝。
餐厅装修高级，别具气派。座位方面有室内同室外，而且有厅房，室外位置仲可以饱览维港景色，相当之有气氛。
呢度主要都系食套餐，每位$488。
首先系前菜三小食，摆盘同卖相都非常精美。
香橙鹅肝：香橙能够解鹅肝之油腻，多士香脆。
xo酱海蜇头：海蜇头好爽口，xo酱惹味。
葱油吊片：吊片新鲜鲜甜，口感有弹性，葱油味十足。
蜜汁叉烧：叉烧肉嫩多汁，蜜味香甜。
川贝陈皮水鸭炖汤：陈皮味好浓，食得出系老陈皮味，令成个汤甘甜，非常滋补。
柚子片皮鸡🍊🐔：呢个柚子片皮鸡真系好值得推荐，先讲个卖相，师傅好有心机砌番成个鸡嘅形状，整齐排列好，仲有伴碟嘅青瓜片卷成花，别具心思。片皮鸡做到皮脆肉嫩，阵阵柚子清新味，减低油腻感。
凤梨咕噜虾球🦐：虾球炸得香脆，整体酸甜度调校得恰到好处。
大厨脆炒黄瓜皮：本来对呢个菜色无太大期望，但估唔到有惊喜，黄瓜皮炒得好爽脆，而且非常入味，加上少少辣度，令整个菜式更加惹味香口。
东坡肉煎饭：呢个东坡肉煎饭都好特别，首先个东坡肉炆得好稔好入味，东坡肉脂肪比例恰当，唔会过份肥腻。煎饭做到干身香脆，配合东坡肉一齐食用相当美味。
西施川贝雪梨茶🍐：食完咁多浓味嘅菜式，嚟番个清淡嘅糖水先，雪梨茶滋润，再加上豆腐嘅花形，令平凡中带点不平凡。
张贴
