獅房菜

今晚难得同两个中同聚旧，就拣咗呢间餐厅，贪佢位处于旺角东站旁的帝京酒店里，方便大家，而且之前听闻餐厅的食物同埋服务都唔错。餐厅入面个环境，都几衬新派中菜大家懒得拣野食，留番d时间倾计，索性直接试呢个餐。食呢个餐系买一送一既，我地三个人，即系比2个set既钱就ok，yeah!第一道菜，我最钟意个松露酥，松化又唔太油腻，入口好香。第二道菜，个人觉得唔特别，有d似炸豆付个汤好甜，几润喉全餐饭最钟意呢个鱼，个汁有d似梅菜扣肉，鱼皮煎得好香脆，鱼肉滑得黎又结实，个配搭好衬。我同d中同讲，如果有个白饭就仲正啦！哈哈！跟住有只花胶，花胶都真系原只，虽然唔算好厚身，但喺酒店餐厅食到呢个质素亦算好唔错。呢个南瓜蓉我就麻麻地，但同行的中同就清哂碟呢碟𩠌最画龙点睛既系𠮶两pat酱，好衬只迷你雀脾，加埋超油香既饭，好唔错抹茶奶黄原来好衬架，呢个甜品简直系完美既句号！呢餐饭，边食边倾边叹茶，3小时转眼就过去。好多人都会觉得，中同聚会都系醉翁之意不在酒，我都觉得系呀，难得可以三人聚旧再加埋美食，真系一个惬意的晚上。