新奇香冰室

营业中

休息中

估唔到今日会同佢渡过，作为一个朋友佢系好好嘅，但系我相信我同佢一定唔会发展成情侣，直头冇可能，根本大家钟意嘅嘢又唔同谂嘅嘢又唔同价值观又唔同，外观就唔使讲啦唔知关唔关职业事呢点都有啲隔膜突然揾我一齐睇咗场戏之后谂食乜嘢？其实佢一早已经心谂求其食啲我自己而家细食咗好多 我谂嚟呢度食，其中一个原因系如果平时放工嚟食，根本冇可能 只系得放假先有机会，今日睇完戏 去到等到位泊车5:45左右都仲有机会去博一博，结果就成功速成咗。 以往食都系一碟两份再加件多士，佢坚持要每日嗌一碟咁唯有佢包埋我食唔晒𠮶啲啰。我叫通粉佢叫意粉，我一直嚟亲都系食通粉，不过试咗佢少少意粉其实再下次嚟都可以试吓佢好似对食冇乜要求咁，呢一点已经同我相差好远，连呢度嘅名物小红肠都冇叫到。到埋单嘅时候佢又话自己冇钱，呢一点又系死罪啦，如果拍拖会咁嘅表现一定扣晒分（帮我同佢识咗几廿年，所以佢唔介怀）不过又咁讲，佢平时奉献咗咁多俾我请佢食一餐都唔系好过分啫，而且呢一餐都系百零蚊。