影片
更多
2017-04-14
2441 浏览
其实此为虾碌事件，无损食物质素。事缘系尖咀睇完戏，周围揾嘢食要排队，所以直行去佐敦，但又冇咩想食，最后：鱼系俾光吸引嘅，就甘去左内街既粥店。友话出名同ｰ好似ｰ黎过，所以就坐低左。睇名就知食粥面，我冇咩胃口，是但叫左碗鲜虾云吞面，友人就犀利，叫左饱鱼面。重点在于店内老伙计霸气兼带执到金般的笑容叫出：饱鱼面一碗，令我地十分敬佩。等待期间，店内播放住六七年代既歌：等著您回来…讲真，本人只会谂起大闹广昌隆，好惊…anyway,啡色皮制软背垫，加上木凳，配上情调音乐，确实怀味浓。未几，云吞面先到，我食得慢就开动喇，云吞够味，未至于好新鲜，清汤正好冇甘油腻。之后，饱鱼面终于上场，特色在于佢系捞面，汤另上。饱鱼未见，一堆姜葱丝铺：夸张。终于食到饱鱼，切四片0.5cm左右，咬落弹牙，算入味，可接受。谈笑风生完，准备埋单，热情好客既伙计帮我地引路，仲好心帮我地叫ｰ枱号225！俾钱个刻我地都懐住，能够品尝怀旧风情，比茶餐厅贵小小都OK喇，拎埋银包想俾$100,突然老板话$225吾该，我地真系要如梦初醒，因为再check都改变吾到我地睇错价钱，系懐旧餐厅食左一碗$185既饱鱼面。其实冇咩，只系我地太过自以为
事缘系尖咀睇完戏，周围揾嘢食要排队，所以直行去佐敦，但又冇咩想食，最后：鱼系俾光吸引嘅，就甘去左内街既粥店。
友话出名同ｰ好似ｰ黎过，所以就坐低左。睇名就知食粥面，我冇咩胃口，是但叫左碗鲜虾云吞面，友人就犀利，叫左饱鱼面。重点在于店内老伙计霸气兼带执到金般的笑容叫出：饱鱼面一碗，令我地十分敬佩。
等待期间，店内播放住六七年代既歌：等著您回来…讲真，本人只会谂起大闹广昌隆，好惊…anyway,啡色皮制软背垫，加上木凳，配上情调音乐，确实怀味浓。
未几，云吞面先到，我食得慢就开动喇，云吞够味，未至于好新鲜，清汤正好冇甘油腻。之后，饱鱼面终于上场，特色在于佢系捞面，汤另上。饱鱼未见，一堆姜葱丝铺：夸张。终于食到饱鱼，切四片0.5cm左右，咬落弹牙，算入味，可接受。
谈笑风生完，准备埋单，热情好客既伙计帮我地引路，仲好心帮我地叫ｰ枱号225！
俾钱个刻我地都懐住，能够品尝怀旧风情，比茶餐厅贵小小都OK喇，拎埋银包想俾$100,突然老板话$225吾该，我地真系要如梦初醒，因为再check都改变吾到我地睇错价钱，系懐旧餐厅食左一碗$185既饱鱼面。其实冇咩，只系我地太过自以为是，得啖笑。试下无妨，但我从大家对望既眼神中，见到再黎既机率。
张贴
