Burger Joys (君悅居)

营业中

休息中

经过酒吧街，见有d饿，想揾少少野食。圆先生话不如食呢间，佢好钟意食汉堡，见门口张汉堡包相几吸引，好啦！试试啦。入到去，我地叫左两款汉堡包。我唔食牛，叫左鸡肉汉堡，圆先生就叫左single burger (牛肉)，如果想食得丰富d，可以另外加料都得，不过我地怕太饱，就无加野。个汉堡来到，size都几大，我果份鸡扒好香啊！同埋都算几厚身，食落啖啖肉同好juicy。汉堡包夹住新鲜蔬菜，食落带点清新，唔洗怕腻。 个包口感几特别，有d似蛋糕，绵绵口感，但个包其中一面因为有煎过，所以向内果面有dd香脆。除左食汉宝包，我地叫左黑松露薯条呢个一来到真系劲香啊！黑松露一粒粒咁舖左o系薯条上面，薯条食落香脆，不过如果粗身少少会更好。(好难得先影到呢张相)呢度座位唔多，都几多人食，我地来之前都差唔多坐爆，到食完走果时出面有人等位。呢度感觉几relax，一路食一路听住轻快嘅音乐，个人好放松。