富豪酒家

营业中

休息中

适逢24周年纪念暨连续14年荣获米芝莲1星餐厅，富豪酒家推出咗超值尝新鲍鱼美食餐。精美点心拼盘拣咗晶莹海虾饺、蟹黄烧卖仔、安虾咸水角。虾饺好足料，虾肉鲜甜又弹牙。烧卖仔皮薄馅靓，仲有浓浓嘅蟹黄香。咸水角又脆又多馅，好惹味呀！富豪靓汤味道鲜甜，仲有菜干香。然后就到重头戏：30头养殖吉品鹅掌时菜。鲍鱼弹牙鲜美，鹅掌炆煮得软腍入味。鲍汁仲好鲜味。然后就到主食：迷你瑶柱鲜虾荷叶饭。米饭吸收晒瑶柱、鲜虾嘅鲜味，仲有阵阵荷香。佢哋嘅甜品好出色。先嚟一碗生磨蛋白杏仁茶。味道香浓幼滑。然后到精选甜美两款：椰汁马荳糕、榄仁合桃酥。马荳糕满满椰香，甜度啱啱好。榄仁合桃酥香脆可口。