影片
更多
2020-04-04
158 浏览
好耐冇食过日本菜啦！呢日就同男友去志食omakase，呢度都应该系性价比最高嘅一间omakase，事关餐厅$1200一位已经有25道菜，难怪平日吧台都full booking！一去到就见到餐厅设有自家熟成柜，好厉害！八爪鱼八爪鱼7日前就会到货，餐厅处理后急冻，再喺室温熟成，上桌前先刚刚煮熟，食落完全唔韧，非常软腍松软。之后有刺身六点，分别有象拔蚌、平贝、深海池鱼、石垣鲷、右口鱼、火焰右口鱼边。平贝与其他贝类食落好唔同，口感比较爽；象拔蚌则比较弹牙；右口鱼鱼味香浓，鱼边鱼油丰腴，入口即溶。𩽾𩾌鱼肝经过快慢火烹喺酱汁浸煮后，口感细嫩，比鹅肝仲滑！之后有两款串烧，平贝边串烧爽口弹牙，洒上七味粉，更添惹味。萤光鱿鱼而家正是时令鱼，烧得两面金黄，入面鲜味软绵，好食！药汁煮，芦笋配搭汁煮昆布，清新味蕾。缟虾也是现在时令，虾肉弹牙，铺上鲜甜嘅虾子，味道丰富。钟意咸香味重D嘅可以蘸少少缟虾虾头膏做成嘅面豉酱，不过我自己就钟意就咁点嚟食！白虾虾身晶莹通透，口感爽滑简单配豉油酱唔会抢去虾嘅鲜味。油鲂煮同春鱼寿司都系鱼味较浓之后就轮到两款油份较重嘅寿司－－大拖罗及吞拿鱼脑天。脑天系鱼嘅天灵盖肉，一条鱼只有2
一去到就见到餐厅设有自家熟成柜，好厉害！
八爪鱼
八爪鱼7日前就会到货，餐厅处理后急冻，再喺室温熟成，上桌前先刚刚煮熟，食落完全唔韧，非常软腍松软。
之后有刺身六点，分别有象拔蚌、平贝、深海池鱼、石垣鲷、右口鱼、火焰右口鱼边。平贝与其他贝类食落好唔同，口感比较爽；象拔蚌则比较弹牙；右口鱼鱼味香浓，鱼边鱼油丰腴，入口即溶。
𩽾𩾌鱼肝经过快慢火烹喺酱汁浸煮后，口感细嫩，比鹅肝仲滑！
之后有两款串烧，平贝边串烧爽口弹牙，洒上七味粉，更添惹味。萤光鱿鱼而家正是时令鱼，烧得两面金黄，入面鲜味软绵，好食！
药汁煮，芦笋配搭汁煮昆布，清新味蕾。
缟虾也是现在时令，虾肉弹牙，铺上鲜甜嘅虾子，味道丰富。钟意咸香味重D嘅可以蘸少少缟虾虾头膏做成嘅面豉酱，不过我自己就钟意就咁点嚟食！
白虾虾身晶莹通透，口感爽滑简单配豉油酱唔会抢去虾嘅鲜味。
油鲂煮同春鱼寿司都系鱼味较浓
之后就轮到两款油份较重嘅寿司－－大拖罗及吞拿鱼脑天。脑天系鱼嘅天灵盖肉，一条鱼只有2片，好矜贵！脑天多脂肪，筋位少，油分充裕，口感软滑，火焰后逼出鱼香。
omakase怎少得海胆？这次有北海道根室赤海胆军舰，有d可惜嘅系海胆鲜甜度不够。
白子食得多，但熟嘅白子就好少食到。鲷鱼白子本身味道较淡，放少少wasabi出乎意料地带出食材原味，都唔错。
炸紫苏叶包白海胆
天妇罗炸浆薄脆，包住软滑嘅海胆，外脆内软，口感丰富。
火焰帆立贝
帆立贝好厚身，烧到表面金黄，同时令鲜味浓缩，如果紫菜香脆一D就更完美啦。
赤鯥鱼，海鳗，沙甸鱼
熟成沙甸鱼步骤繁复，先要原条沙甸鱼用盐同醋熟成腌制，等一星期左右，骨会自动溶解，完全系心机菜！沙甸鱼鱼味浓郁，熟成后味道更浓。不过出面餐厅唔多有熟成寿司，因为呢个方法处理后只有7成鱼肉食得，成本实在太高啦！
最后送上汤。
是日甜品有香甜多汁嘅日本草莓，实在太满足了！
食完25道菜式已经非常饱足，临走餐厅仲为每位食客准备小惊喜！原来系多一件鳗鱼寿司俾我哋做宵夜，呢份贴心真系大大加分！
整体食物水准甚高，而且呢个价钱有25道courses，性价比超高！
张贴
