尚興潮州海鮮飯店 (已結業)

今朝先系尚兴食个简单Business Lunch，你又点会估到，夜晚又喺度食Business Dinner。我睇大家都系费事烦，唔想谂，近近哋，食完又再继续倾。不过，我都要循例challenge一吓。😂😂Tell me why？「快靓正，最紧要系抵食。」尚兴可以同抵食呢两个字挂钩，系真唔系呀？ 溏心吉品鲍28头连鹅掌，都系卖288蚊，抵唔抵？ 切开个鲍鱼，真系溏心，黐住把刀，好味入味，楼面辉哥再跟多啲鲍汁加个白饭畀我，冇得顶，极级享受。288蚊，点做呀，Tell me why?中午食咗红烧翅，二两翅卖288蚊，已经算抵。 楼面辉哥话夜晚试吓食红烧大鲍翅，有四两翅，好大碗，都系卖418蚊，抵唔抵？ 上枱时，真系好多鱼翅，凸哂出个碗面，翅汤好胶质、好黏好滑，咁嘅质素，咁嘅份量，都系卖418蚊，点做呀，Tell me why?就系呢个时候，大明星梁朝伟经过我哋张枱去洗手间，我嘅眼睛梗系即刻放大瞳孔啦。尚兴孙老板可能察觉到我嘅异相，揸住杯红酒，Fing吓Fing吓，神态自若咁行过嚟同我讲，梁朝伟成日都嚟啦，跟住孙老板带我去睇贴满成幅墙啲明星相，好开心咁share：呢个咪系黎明 ~ (哦！)呢个