影片
更多
2017-02-28
152 浏览
又系揾食时间，今次到另一半揾食！去到港岛线最笃笃都不特止，仲要先经过一条文青街道，长长的石墙上长满了老树，单是行过已经心情大好！去到街角转个弯，行上楼梯先真真正正入到火锅本色，如此隐秘，未入门口都估到唔会点听到普通话、自由人。一如所料，店内大部分都是外藉人士、西装斯文顾客，气氛温婉如入咖啡店，配上微暗灯光、居酒屋cross工业风装修，如果要话香港有「文青边炉」，呢到应该算系其中一个热点！一坐低侍应已经送上餐牌与鼓酒佐料，仲推荐我哋食象拔蚌刺身！果然够文青，连侍应都系文学风架！不过我哋都谂，既然食得刺身不如食多几款啦，所以就叫咗个刺身拼盘，同埋鸳鸯汤底喇。呢到叫鸳鸯汤唔驶加钱，只收2个汤底入面贵啲𠮶个嘅价，都几合理！而且都有几多特别汤底，详细大家去到再慢慢睇啦XD我哋叫咗牛尾汤同埋椰子螺头，一嚟到都有惊喜！因为真系料多过水，个牛尾汤足料到唔系几落到火窝料入去，因为啲牛尾同蕃茄已经塞满了！个汤底都几香，而且越煲越浓，正！椰子螺头就淡口啲，牛尾汤赢哂！食主菜之前先嚟一个老友鬼鬼，即系油炸鬼酿墨鱼滑，熟食嚟可以即食！个油炸鬼好脆口，放入汤滚一滚先食又得，即食又得，推荐！不过既然系刺身火锅，当然
一坐低侍应已经送上餐牌与鼓酒佐料，仲推荐我哋食象拔蚌刺身！果然够文青，连侍应都系文学风架！不过我哋都谂，既然食得刺身不如食多几款啦，所以就叫咗个刺身拼盘，同埋鸳鸯汤底喇。呢到叫鸳鸯汤唔驶加钱，只收2个汤底入面贵啲𠮶个嘅价，都几合理！而且都有几多特别汤底，详细大家去到再慢慢睇啦XD我哋叫咗牛尾汤同埋椰子螺头，一嚟到都有惊喜！因为真系料多过水，个牛尾汤足料到唔系几落到火窝料入去，因为啲牛尾同蕃茄已经塞满了！个汤底都几香，而且越煲越浓，正！椰子螺头就淡口啲，牛尾汤赢哂！食主菜之前先嚟一个老友鬼鬼，即系油炸鬼酿墨鱼滑，熟食嚟可以即食！个油炸鬼好脆口，放入汤滚一滚先食又得，即食又得，推荐！
不过既然系刺身火锅，当然要讲下个刺身啦！拼盘真系几多料，油甘鱼、三文鱼、八爪鱼、北寄贝、带子、牡丹虾，不过最出色一定系海胆！虽然得2片，不过size好大，而且非常甜美！而三文鱼同带子都系要推介嘅，前者好肥美，后者好厚肉！
至于牛呢，因为同另一半对牛都无咩太大要求，只系要咗手切肥牛，不过都好薄身，加上牛尾汤同蕃茄真系一流！对牛有兴趣者不妨试下其他。另外叫咗黑松露饺、松叶蟹膏丸，都几好味！反而系打边炉好多人都会叫下粉面以求饱肚啲，我就会话叫个日本蕃薯仔仲好啦！连皮上，切细细旧，不过都有成十几粒，好味过公仔面啦！不过食嘅时候都几搞笑，个煲大极有限，唔知点解硬系揾唔返佢哋！都唔紧要啦，滚耐啲软身啲仲好食！
文青地方，边食边倾计真系几好！啲客人又唔嘈，大家都静静哋吹下水滚滚下，2个钟好快就过！食饱饱出去出面货物装卸区散下步继续倾，睇下人哋放狗、跑步，享受下夜晚，人生几何！
张贴
