御滿屋日本料理

营业中

休息中

成日一班老best去到旺角都谂唔到食咩，今次决定食下乜都唔使谂嘅放题😆餐厅超近地铁站，由E1出口转右即到！嗌咗佢哋最平嘅 *经典二重创新剌身江洋盛宴*套餐包咗78品，两个钟任食，用电话落单之余仲有自助area😎刺身好新鲜，呢个价位几有惊喜，三文鱼、油甘鱼、北寄贝等等，每款都肥美厚切，口感一流😍仲有御·泰之味冷鲍鱼、剑鱼腩、北海道角螺、柚子醋花海蜇🤩除咗刺身，仲有好多冷盘、寿司、烧物同煮物，特别推介佢哋嘅雪花牛锅、蒜香卜卜蚬、烧有机菠萝、御品鲍汁烩花胶、薄烧牛肉。最震撼系清酒、梅酒仼饮😮仲要马来西亚榴连任食如果钟意食榴连嘅朋友就唔好错过！🔅甜品方面都唔差，有劲多款雪糕同自家制甜品，有Dreyer's同 häagen-dazs，完美Ending！真系食到好饱，下次有机会再战。