Pancake House HoiHoi (荃新天地) (已結業)

身为🥞lover，今日专诚去位于荃新天地嘅Pancake House，试吓同事推介嘅抵食荃湾分店限定Set for 2。$300有找就有齐两款主食+两款甜品+两杯饮品。汉堡塔总共有三层汉堡肉，睇住啲肉汁不停流出嚟，已经口水流。夹埋蕃茄、生菜同芝士，加埋比手掌仲要高，真系好吸睛！薯条热度够而且相当脆，特别好食。铁板名古屋茄汁海虾意粉薄薄嘅蛋皮铺喺铁板之上，酸甜开胃茄汁挂满每条意粉，连埋食唔完咁多嘅肠仔同大大只海虾，绝对足料。提拉米苏梳乎厘班戟原味枫糖牛油梳乎厘班戟梳乎厘班戟轻盈松软又唔会只系得阵风。提拉米苏上有士多啤梨，装饰之余又可以让士多啤梨嘅自然酸中和返个甜度；枫糖牛油味道独特，牛油搽喺班戟之上，班戟吸满牛油咸香味，份外美味。芒果沙冰阿华田沙冰芒果沙冰大啖cream加埋两大粒芒果冰，颜色靓又好味。阿华田沙冰就有阿华田粒粒铺喺面，先有脆脆口感，及后半融就增加沙冰浓度。难得两杯沙冰都唔会过甜，特别适合夏天消暑。