新明記肥牛豬骨煲

营业中

休息中

几个月前都黎食过一次，觉得唔差，所以前晚本人和男友加一个朋友一行3人再去打边边！ 食物都唔错，无乜大问题，我地叫左主打嘅猪骨煲汤底，两碟肥牛，仲有其他都系平常打边炉会食嘅普通𩠌菜！而出问题嘅𠮶碟就应该系生腌蛳奄。食嘅时候系无问题嘅，但系昨日本人个肚开始觉得唔舒服。我仲以为系我自己肠胃敏感，屙左三次都无理佢。直至到今日，一起身就呕，冇办法食嘢，一食就呕，仲开始发冷！ 下午男友来电话佢今日无返工，因为又屙又呕到手软脚软，我都觉得好奇怪，再打俾随行一齐食饭嘅朋友，佢已经去咗医院急症室。。。之后我呕左两次有脱水迹象，亦都去埋急症室！ 今日大家全日都觉得好辛苦，医生话我食咗啲唔干净嘅嘢，而我哋三个人就只系一齐食过呢一餐。。。系边度出问题？！ 我都唔需要多讲啦⋯⋯ 一张枱得三个人齐齐出事！！！你地系唔系需要检讨一下处理食物嘅质素呢？！ 生腌蛳奄好讲究卫生！ 处理得唔好真系会害死人架！ 良心啲好无？！