舞鶴鐵板燒 (已結業)

步入店内感觉空闲好宽落，每位座位位置都好松动，放私人野，食野起黎都几舒服方便。其次服务方面，店员都好热情，而且我地食开放式铁板烧，面对住厨师烹调野食，厨师亦都十分好说话有讲有笑，唔会好似平时出面果d一味头Dum dum得个做。重点讲到食果方面，食材都十分一流，睇下我打卡既相就知，特别个元贝不得了，肥美到果旧膏要切开3旧先摆到落口，去街市根本揾唔到咁肥美。其他食物方面我地仲叫左鲍鱼，蛏子之类，都系十分大只。而我面前呢位厨师除左倾得讲得，煮野食都好用心，而且手势绝对系睇得出个经验同岁月，所有整出黎既野食火喉都岩岩好，例如鲍鱼同蛏子，软熟到我相信老人家都食到，而靖鱼就外脆内多汁。成餐饭整体觉得非常满意同满足，约三五知己黎食，点埋枝白酒或者清酒，真系十分一流，所以我专诚同各位推介。