影片
更多
2024-06-09
75 浏览
食海鲜食得多，即捞即烧嘅呢度就可以试到。呢度全部虾、海鲜、肉类、甜品任食3小时，我哋平日去，晚上每位$348。每一台隔离都有个流水虾池，夹起啲虾之后用冰水浸晕啲虾就可以即刻烧，新鲜到十足。除咗虾之外，呢度仲有好多海鲜，成个小型街市咁，客人可以出去任拣海鲜任食。海鲜种类都几多，有生蚝、鲍鱼、扇贝、仲有一只唔知乜贝、鱿鱼、黄沙大蚬、泥鯭、马友、黄花鱼等。除咗海鲜档仲有雪柜雪住好多唔同肉类，有牛仔骨、羊架、猪髀仔、鸡翼、串烧、各种丸类等等。蔬菜类都有日本少甜薯、菠萝、粟米等等。另外饮品同埋雪糕雪条都系出去雪柜任拎任食。我哋主攻海鲜，大头虾好生猛，夹虾都几好玩，大头虾烧起香喷喷，肉质爽蛋，开头嘅歌都好甘香。扇贝都好鲜味，我哋出去拎咗配料蒜蓉粉丝牛油烧扇贝劲正，鲍鱼都大只厚肉，黄沙大蚬鲜甜冇沙。烧黄花鱼都好正，烧嘅时候喺上面轻轻洒上粗盐，烧起皮香肉嫩，自己再调酱汁沾嚟食，味道一流。我哋食咗两round 海鲜之后其实都饱饱地，但系都要试吓啲肉类。我哋食咗烧鸡翼、烧羊假、烧牛仔骨三款都好食，其中最钟意羊架，佢系厚切，烧起肉质松软，唔会太过膻，烧嘅时候当然唔少得洒一啲孜然粉蒜蓉上去啦，味道好好。最后当
每一台隔离都有个流水虾池，夹起啲虾之后用冰水浸晕啲虾就可以即刻烧，新鲜到十足。
除咗虾之外，呢度仲有好多海鲜，成个小型街市咁，客人可以出去任拣海鲜任食。海鲜种类都几多，有生蚝、鲍鱼、扇贝、仲有一只唔知乜贝、鱿鱼、黄沙大蚬、泥鯭、马友、黄花鱼等。
除咗海鲜档仲有雪柜雪住好多唔同肉类，有牛仔骨、羊架、猪髀仔、鸡翼、串烧、各种丸类等等。蔬菜类都有日本少甜薯、菠萝、粟米等等。另外饮品同埋雪糕雪条都系出去雪柜任拎任食。
我哋主攻海鲜，大头虾好生猛，夹虾都几好玩，大头虾烧起香喷喷，肉质爽蛋，开头嘅歌都好甘香。扇贝都好鲜味，我哋出去拎咗配料蒜蓉粉丝牛油烧扇贝劲正，鲍鱼都大只厚肉，黄沙大蚬鲜甜冇沙。
烧黄花鱼都好正，烧嘅时候喺上面轻轻洒上粗盐，烧起皮香肉嫩，自己再调酱汁沾嚟食，味道一流。
我哋食咗两round 海鲜之后其实都饱饱地，但系都要试吓啲肉类。我哋食咗烧鸡翼、烧羊假、烧牛仔骨三款都好食，其中最钟意羊架，佢系厚切，烧起肉质松软，唔会太过膻，烧嘅时候当然唔少得洒一啲孜然粉蒜蓉上去啦，味道好好。
最后当然要食啲甜品啦，我哋烧菠萝，酸酸甜甜可以烧制。仲有阿波罗雪糕批，系我钟意嘅朱古力脆皮芋头味，劲满足。
张贴
