影片
更多
2024-12-26
971 浏览
最近工作太辛苦，所以决定今日放假就揾朋友去酒店食饭慰劳下自己呢间性价比好高，3道菜，前菜，主菜加甜品都系$268，每道菜都好吸引，好好食。我就叫咗香煎米纸鱼饼，香烤羊臀肉同暖朱古力红莓布丁。米纸鱼饼大大件，用米纸包住紫苏叶同鱼饼再拎去煎，配上洋葱同秘制酱汁，酸酸甜甜，再有啲沙律菜，好开胃。主菜香烤羊臀肉配有薯蓉、田园蔬菜、肉汁，羊臀肉好冧好嫩，唔会好干，薯蓉好creamy 好好食。食到呢度已经饱咗8成，再食埋个暖朱古力红莓布丁作结，冻冰冰嘅天气食啲热嘅甜品，配上糖渍红莓及蔓越莓，酸味同甜味刚好中和，十分满足。友人就叫咗鲜虾凯撒沙律，经典炸鱼薯条同姜味曲奇脆饼芭菲。鲜虾凯撒沙律有白鳀鱼、罗马生菜、烟肉、大蒜油封面包粒、烚蛋，菜好新鲜，作为一餐饭嘅开始好好。朋友嘅主菜叫咗经典炸鱼薯条，有两大块嘅𩽾𩾌鱼柳，炸得外脆内软，炸粉唔会好厚，薯条系粗薯，即叫即炸，小朋友一定好喜欢。最后圣诞节快到，就叫咗个姜味曲奇脆饼芭菲应下节，用咗精选什锦水果皮，酸酸甜甜。
呢间性价比好高，3道菜，前菜，主菜加甜品都系$268，每道菜都好吸引，好好食。
我就叫咗香煎米纸鱼饼，香烤羊臀肉同暖朱古力红莓布丁。米纸鱼饼大大件，用米纸包住紫苏叶同鱼饼再拎去煎，配上洋葱同秘制酱汁，酸酸甜甜，再有啲沙律菜，好开胃。
主菜香烤羊臀肉配有薯蓉、田园蔬菜、肉汁，羊臀肉好冧好嫩，唔会好干，薯蓉好creamy 好好食。
食到呢度已经饱咗8成，再食埋个暖朱古力红莓布丁作结，冻冰冰嘅天气食啲热嘅甜品，配上糖渍红莓及蔓越莓，酸味同甜味刚好中和，十分满足。
友人就叫咗鲜虾凯撒沙律，经典炸鱼薯条同姜味曲奇脆饼芭菲。
鲜虾凯撒沙律有白鳀鱼、罗马生菜、烟肉、大蒜油封面包粒、烚蛋，菜好新鲜，作为一餐饭嘅开始好好。
朋友嘅主菜叫咗经典炸鱼薯条，有两大块嘅𩽾𩾌鱼柳，炸得外脆内软，炸粉唔会好厚，薯条系粗薯，即叫即炸，小朋友一定好喜欢。
最后圣诞节快到，就叫咗个姜味曲奇脆饼芭菲应下节，用咗精选什锦水果皮，酸酸甜甜。
张贴
