糖森林 (鳳翔路)

营业中

休息中

每逢宵夜时段，元朗各个糖水店都挤满人。哩到有两间，两间都试过，一次拎哂两边飞，等位。 糖森林有位先，就食你啦！落完单好快就有得食。 个人认为牛奶炖蛋白一定要食热先好味。哩碗够哂热，而且好滑流，果然系落左3.6牛乳嘅效果。相比起平时食嘅更香奶味，而且唔会过甜，食完都唔会太滑。依家好多店都声称用3.6牛乳，可惜落得唔够，奶味唔够浓。糖森林就真系一食就食到重奶味，正！ 士多啤梨奶冻又系要推介下！除左3.6牛乳奶冻，仲配上士多啤梨雪糕、沙冰同果肉。一次满足哂士多啤梨迷嘅所需。奶冻质感较实，亦无炖奶咁甜，奶味都淡d 。不过奶冻配上雪糕同沙冰味道啱啱好。雪糕无咩特别。个沙冰冰令人惊喜。好够士多啤梨味，唔似糖水沟成，仲见到一粒粒果肉碎，果然系真材实料！糖森林嘅价格唔贵，而且款式多，值得再访。