南豐餐廳

营业中

休息中

系呢条邨住左30年，经历过之前有大家乐、酒楼嘅年代，然后去到得返几间老人院同埋呢间南丰餐厅，百佳同7仔都差啲顶唔住，全部都系拜领展一手所赐。终于几年前换左手，商场焕然一新，而呢间南丰餐厅亦依然屹立不倒，之前咩质素唔想多讲，净系记得佢个蛋挞系超级好食，绝对系我食过既三甲之一，其他食物不值一提。听人讲餐厅最近换咗老板，所以今日特登嚟试吓咩质素。咖喱牛肉饭，牛肉都几多旧，有两旧大薯仔，睇得出唔系hea，绝对正常，佢𠮶啲咖喱汁系真系汁唔系水，净系呢样都打败左出边好多所谓嘅茶餐厅。另外再叫咗杯热鸳鸯，佢杯野系偏向重茶味，但本人比较钟意奶味多啲。