Zeng

营业中

休息中

今日带阿妈黎呢间30/F高空嘅餐厅食午餐。环境非常高雅，有室内有室外位置，仲有个摇篮个以打卡，景色由九龙到山顶都见到，非常高质。呢啲午市都算抵食，$198有6个course，$138有3个course，不过就未包甜品同饮品。我地叫左各一。6-course包左五个𩠌加鳗鱼饭。红当当嘅礼盒出现，有六格，好精致咁。北海道带子夹海胆，肥厚嘅带子。但入面嘅海胆有少许腥。和牛他他，酸酸地，好厚肉又有咬口，因为系生食，唔会腥，配上蛋浆非常可口。新鲜酱油渍三文鱼手握寿司，因为系处理过嘅三文鱼，个质感系有啲布丁黏黏地嘅feel。意式红虾薄片，生虾一半，调味系酸酸地嘅。慢煮卤水猪腩肉，好厚好正，好似东坡肉，就算有啲肥，但一啲都唔油腻。日式鳗鱼饭，上面细细条鳗鱼，已经足以令呢个迷你丼好美味。3-course我地拣左以下。巴马火腿沙律，有啲芝士粉，仲混有柚子醋。红虾天妇罗，炸皮有啲厚，虾肉不太弹牙，比较似平时食嘅鱼生饭上面嘅熟虾。三文鱼炒饭，有少少松露香，几香几美味，不太油。另外做紧优惠有$20两只生蚝。宜家冬天已经系生蚝当造季节，当然试番两只，果然厚肉鲜甜。