水蜜桃冰室 (已結業)

女人街揾食, 实在有太多选择。见呢间选择唔少, 卖相唔差, 最平都只系$35, 一于入内试试。厚切黑豚肉眼扒意粉配烧汁 $35青瓜份量唔少, 提供一餐所需蔬菜。肉眼扒有两块, 肉质部份偏实, 甚有咬口。烧汁略稀, 味道可以, 份量亦只够肉眼扒用。意粉没有特别调味, 味道有点单调。不过以呢个价钱而言, 整体已算唔错。白牛 $9 (跟餐价, 原价$28)白牛为港式餐厅的怀旧特色饮品, 由云呢拿雪糕淋上七喜而成 。云呢拿雪糕味浓, 加上七喜, 立时产生泡泡, 七喜亦变得顺滑。下午茶粉面饭任择其一, 最平都只系$35, 味道唔差, 份量又唔少, 令人佩服又唔觉伏。